اسلام امیرلیگی قدرت‌نی آلگنیدن بویان منطقه‌وی همکارلیکنی کینگه‌یتیریش و مستحکملشگه دایما اینتیلیب کیلگن؛ ایندی منطقه مملکتلری بیلن توزیلگن کیلیشوولر آلغه آلیب باریله‌یاتگنی و عملی ایشلرینی باشلشگه صادق ایکنلیگینی معلوم قیله‌دی.
اسلام امیرلیگی سوزلاوچیسی ذبیح‌الله مجاهدنینگ ایتیشیچه، اوشبو کیلیشوولرنی اقتصادی، سودا-ساتیق، ترانزیت و قوشمه لایحه‌لر ساحه‌لریده عملگه آشیریش همده اولرنینگ عملی ایشلری یخشی صورتلرده دوام ایتماقده.
اونینگ کوپه‌یتیریشیچه، هر بیر کیلیشوونینگ مدتی و جزئیاتی انیق، اگر اولرنی عملگه آشیریش جریانیده بیران قیینچیلیک تاپیلسه، تیگیشلی تامانلر بیلن ملاقات و همکارلیک آرقه‌لی معمانی برطرف ایتیشگه حرکت قیلینه‌دی.
مجاهد جنابلری، سلام‌وطندار بیلن صحبتده شونده‌ی دییدی: «منطقه‌وی کیلیشوولرنینگ اکثریتی اقتصادیات و لایحه‌لرنی عملگه آشیریش ساحه‌لریگه تعلقلی دیر. اوشبو کیلیشوولر یخشی تیکشیریلگن و تورکمنستان بیلن تاپی لایحه‌سی بوییچه توزیلگن کیلیشوولر رواجلنیب و آلغه آلیب باریلماقده. شونینگدیک، منطقه‌وی سودا، ساتیلمه، ترانزیت و کیلتیریش ساحه‌لریده باشقه سودا کیلیشوولری هم امضالنگن بولیب، اولر ایزچیل روشده کوزه‌تیب باریلماقده.»
شو بیلن بیرگه، سیاسی بیلرمانلر، افغانستان‌نینگ منطقه مملکتلری بیلن توزگن کیلیشوولرینی اقتصادی وضعیت‌نی یخشی‌لش و اهالیگه یاردم بیریش اوچون مهم امکانیت دیب حسابله‌یدیلر.
سیاسی مسئله‌لر بوییچه بیلرمان صمیم شمسی‌نینگ ایتیشیچه، اگر اوشبو کیلیشوولرنینگ عملگه آشیریلیش جریانی باشلنسه، اولر افغانستان‌نینگ باشقه مملکتلر بیلن ینه‌ده کینگ‌راق همکارلیک قیلیشیگه زمینه یره‌تیشی ممکن.
او، بو توغریده فکرینی شونده‌ی بیان قیله‌دی: «اسلام امیرلیگی باشقه مملکتلر بیلن توزه‌دیگن هر قنده‌ی اقتصادی یا کی خوفسیزلیک ساحه‌سیده‌گی کیلیشوولر خلق و مملکت منفعتلریگه خذمت قیلیشی ممکن. اوشبو کیلیشوولر عملده رویابگه چیقریلسه، افغانستان‌نینگ اقتصادی احوالینی یخشی‌لش، ینگی ایش اورینلرینی یره‌تیش، ایش‌سیزلیک انقراضینی کمه‌یتیریش همده اهالی تورموش درجه‌سینی یخشی‌لشگه یاردم بیریشی ممکن.»
باشقه تاماندن، اقتصاد شناسلرنینگ فکریچه، اوشبو کیلیشوولرنینگ اهمیتی فقط سودا حجمینی آشیریش و قوشمه لایحه‌لرنی عملگه آشیریش بیلن چیکلنمسلیگی بلکه، اولر افغانستان‌نینگ منطقه‌وی علاقه و اقتصادی همکارلیک ساحه‌سیده موقعینی هم مستحکملشی کیره‌ک.
اقتصاد شناس محمدآصف ننگ گه کوره: «افغانستان‌نینگ ژئوپولیتیک موقعی و آسیا مرکزیده جایلشگنی اوشبو مملکت‌نینگ منطقه‌وی باغلاوچی کوپریکه ایلنیشی اوچون کتته امکانیت یره‌ته‌دی. تاپی، کاسا بیرمینگ و ترانس-افغان کبی لایحه‌لرنینگ عملگه آشیریلیشی، شونینگدیک ترانزیت یولَکلری‌نینگ کینگه‌یتیریلیشی افغانستان‌نینگ منطقه‌نی باغلشده‌گی رولینی کوچه‌یتیریشی ممکن.»
اسلام امیرلیگی، دایم قوشنی و منطقه دولتلری بیلن علاقه‌لرنی کینگه‌یتیریش همده اقتصادی همکارلیکنی مستحکملشگه تأکیدلب کیلگن.
شو اورینده، تاپی، تاپ، کاسا بیرمینگ و افغان-ترانس تیمیر یولی کبی لایحه‌لر علیحده اهمیت گه ایگه؛ بیلرمانلرنینگ فکریچه، اوشبو لایحه‌لرنینگ عملگه آشیریلیشی اقتصادی اوسیشگه، ینگی ایش اورینلری یره‌تیشگه و منطقه‌وی همکارلیکنی کینگه‌یتیریشگه زمینه یره‌تیشی ممکن.
