افغانستان صناعت و سودا وزیرلیگی، افغانستان و اوزبیکستان قشقهدریا ولایتی خصوصی سکتورلری اورتهسیده سودا علاقهلر تدبیری، کابلده اوتکزیلگنینی معلوم قیلدی.
اوشبو وزیرلیک، بوگون (۸ سنبله/۳۰ آگست، یکشنبه) ایکس اجتماعی ترماغیده بیر بیانیه ترقهتیب، تدبیر افغانستان صناعت وسودا وزیرلیگی معینی احمدالله زاهد، قشقهدریا ولایتی حاکمی اورین باسری شهرت مرادوف و کابلده اوزبیکستان ایلچیسی همده ایکی مملکت خصوصی سکتورلری اعضالری اشتراکی بیلن اوتکزیلگنینی بیلدیردی.
بیانیه گه کوره، اوشبو تدبیرده، آزیق-آوقت، کییم-کیچک، قوریلمه، چارواچیلیک همده برق ساحهسیده ۲۶۷ میلیون دالر مبلغ عوضی گه ۲۰ ته سودا شرطنامه امضالندی.
