پول- بو شونچه که المه‌شینو واسطه‌سی اېمس، بلکه انسان آنگی و روحیتی گه جوده کوچلی تأثیر اۉتکزووچی روحی عامل حسابلنه‌دی. او آدم‌نینگ اۉزینی قنده‌ی قبول قیلیشی، اطراف‌ده‌گیلر گه بولگن مناسبتی و کونده‌لیک قرارلریگه بیواسطه تأثیر قیله‌دی. ایریملر پول یېترلی بولگنده هم، بعضی‌لر اېسه اوندن محروم بولگنده هم دایم خواطرلی، توشکون، حتا اضطرابلی حالده یشه‌یدی. نیگه؟ چونکه پول مادی جهتدن امکانیت بیریشی ممکن، لېکن او انسان‌نینگ ایچکی بوشلیق‌لرینی تولدیرمه‌یدی، عکسینچه اولرنی یوزه گه چیقره‌دی.
یېتیشماوچیلیک‌نینگ آنگه بولگن تأثیری
پول کمه‌یگنده یا که عمومن یوق بولگنده، انسان آنگی «آمان قالیش» حالتینی ایشگه توشیره‌دی. میه اوزاق مدتلی مقصدلر اورنیگه فقط کونده‌لیک احتیاجلر گه اعتبار قره ته‌دی.
طعام تاپیش، اوی ریجه‌سی، شفاکار گه باریش. بو وقتده میه‌ده استرس هورمون کورتیزول درجه‌سی کېسکین آشیب، انسان‌نینگ فکرلش قابلیتی سوسه‌یه‌دی، دقتی ترقاقلشه‌دی.
عینن شونده‌ی شرایط‌ده انسان‌ده سورونکه‌لی خواطر، بی‌فرق‌لیک و حتا بالینی افسرده‌لیک بیلگی‌لری پیدا بولیشی ممکن. پول معماسی کون ترتیبینی ایگللب، برچه حیاتی یونه‌لیش‌لرده توسیق که ایلنه‌دی.
ایرکک‌لر بو حالتده اۉزینی «ناقابل» دیب حس قیله باشله‌یدی. اولر جمعیتدن چیتلشه‌دی، بیره‌ملر، توی‌لر، ییغین‌لردن اوزاقلشه‌دی، چونکه اۉزینی کم‌سیتیلگندیک حس قیله‌دی. ساوغه آلیش، باشقه‌لر آلدیده اۉزیگه بولگن ایشانچ‌نی یوقاتیش-بولرنینگ بری روحی حالت‌نی ېنه‌ده یامانلشتیره‌دی.
بیزلرنینگ فیسبوک صحیفه‌میزگه باش اورینگ!
شو بیلن بیرگه، مالیه‌وی معمالر عایله‌وی مناسبت‌لر گه هم قتیق ضربه بیره‌دی. پول یېتیشمسلیگی کوپینچه جنجللر، توشینماوچیلیک‌لر و حتا اجریم‌لر گه آلیب کېله‌دی. طبیعی کوریک‌لر اۉز وقتیده قیلینمه‌یدی، آغریق‌لر گه اعتبار بیریلمه‌یدی. نتیجه‌ده، باش آغریق، اویقو معمالری، آوقت هضم قیلیش ده‌گی قیینچیلیک‌لر کبی سلامت‌لیک بیلن باغلیق معمالر کوچه‌یه‌دی.
قورقوولر و ایشانچ‌سیزلیک آرتیده‌گی سبب‌لر
بونینگ اصل سبی انسان‌نینگ باله‌لیکده شکللنگن ایشانچ تیزیمیگه باریب تقیله‌دی. «مین بای بولیش گه لایق اېمس من»، پول-یامانلیک منبعی»، «بای‌لر هر دایم یامان بوله‌دی» کبی چېکلاوچی اعتقادلر آنگ آستیده یاته‌دی. بونده‌ی آدملر شونچه که بای بولیشنی اېمس، بلکه پول‌نی اوشلب توریشنی هم قیین دیب بیلیشه‌دی.
بونده‌ی سلبی قره‌شلر کوپینچه آته-آنه، مکتب محیطی یا که جمعیت تأثیری آستیده شکللنه‌دی. عینن شو اعتقادلر انسان‌نی کتّه امکانیت‌لردن اوزاق‌لشتیره‌دی، اۉزینی پست بهالشگه آلیب کېله‌دی.
بای‌لیک‌نینگ «انتظام‌سیز» تأثیری
پول بولسه، معمالر توگمه‌یدی، بلکه باشقچه شکلده نمایان بوله‌دی. عادت‌ده، کوپ پول‌نی آرزو قیلگن آدم اونی قولگه کیریتگچ، اۉز قدریت‌لرینی قیته کوریب چیقیش گه مجبور بوله‌دی. اگر او برقرار روحی اساس گه ایگه بولمسه، بای‌لیک تشویشی گه ایلنه‌دی.
بیزلرنینگ «ایکس» ترماغی ده هم تعقیب قیلینگ!
«مین بو پول گه ارزیمه‌ی من»، مین فقط آمدیم طفیلی بای بولدیم» کبی فکرلر یامان سیندروم‌نی کېلتیریب چیقره‌دی. بونده‌ی انسانلر پول‌نی یوقاتیش‌دن یا که اطراف‌ده‌گیلر اونی فقط مادی منبع دیب کوره‌یاتگنیدن خواطر گه توشه‌دی. او اۉزینی دایمی روشده باشقه‌لر بیلن آلیشتیره‌دی، اۉز آبروسینی سقلب قالیش اوچون آرتیقچه خره‌جت‌لر قیلیش گه مجبور بوله‌دی.
مالیه‌وی ساغلام فکرلش سری قدم
پول بیلن باغلیق معمالرنی برطرف اېتیش اوچون فقط درآمدنی کوپه‌یتیریش‌نینگ اۉزی یېترلی اېمس. اصلی‌ده روحی بلاک‌لر، ایچکی اعتقادلر اوستیده هم ایش آلیب باریش ضرور. ایجابی مالیه‌وی روحی حالت اوچون قوییده‌گی‌لر مهم:
-ریئل و ایریشیله‌دیگن مقصد قوییش،
-استرس‌نی باشقریش‌نی اورگه‌نیش،
-منبعلرنی توغری تقسیم‌لش،
– اۉزیگه و موفقیت گه ایشانچ‌نی شکللنتیریش.
بای‌لیکّه اینتیلووچیلر اېسه اۉزیگه بیریش‌لری کېره‌ک: «نیمه اوچون مین پول توپلمه‌ماقده من؟» اگر بو آرتیده قورقوو یا که تن آلینیش احتیاجی تورسه، اونده بای‌لیک خاطر جمع‌لیک اېمس، عکسینچه روحی چرچاق منبعی گه ایلنه‌دی.
پول انسان حیاتیده‌گی اېنگ مهم عامللردن بیری، بیراق بو بخت و خاطر جمع‌لیک‌نینگ کفالتی اېمس. مالیه‌وی برقرارلیک روحی برقرارلیک بیلن اویغون بولسه، انسان اۉزینی حقیقتن ایرکین و بختلی حس قیلیشی ممکن. یېتیشماوچیلیک هم، آرتیقچه‌لیک هم مقرر اېمس-اولرنی باشقریش انسان‌نینگ ایچکی دنیاسیگه باغلیق.
