کابلنینگ غربی قسمیدهگی گوجوم کوچهلردن بیرینینگ چېکهسیده، عادی ویترین آرتیده کیچکینه دکانده رنگبهرنگ قول توقیمه کییملر، دقت و اۉزیگه خاص نفیسلیک بیلن آسیلگن، آدمینینگ کوزینی اوزیگه قره تهدی. دکاننینگ بیر چیکهسیده یاش بیر قیز سنتی چادرنی توشیریش بیلن مصروف. کوزلری مجاز و کییملر آرهسیده حرکتده و نیچه دقیقهلردن سۉنگ کییملریدن بیری ساتیلیش گه امیدوار دیر.
۲۳ یاشر فخریه سلطانی، اقتصادی قیین احوال و عیاللر گه یرهتیلگن چېکلاولر بیلن، اتاقنینگ بیر چیتیده اولتیریب و هېچ اوچون کوتیش اورنیده، حرکت قیلیب و مالی مستقللیکّه ایریشیش مقصدیده قرار قیلگن.
فخریه اوچ ییل اول، کابل شهری خصوصی بیلیم یورتلردن بیریده کمپیوترساینس طلبهسی اېدی و کېلهجگینی بو بولیمده ایش آلیش اوچون تصور قیلردی؛ بیراق بیلیم یورتلر ایشیگی یاپیلیشی و اوقیش امکانیتلری قولدن کېتیشی بیلن، سودا دکانینی آز پول بیلن باشلهیدی.
او، دکانینی ایکّی مینگ افغانی سرمایه و کوپ قیینچیلیکلر بیلن باشلهگن ایتیشیچه، حاضرگی کونده ایشیدن راضی دیر. «ایکّی مینگ افغانی بیلن ایشنی باشلهدیم، ایکّی مینگ افغانی اوچ مینگ بولدی و کېین اېسه تورت مینگ بولدی. کیچیک پول بیلن دکان آچیش گه اولگوردیم. هر آی قریب ۱۰ مینگ یا-ده بیش مینگ درآمد قیلهمن و دکانده باشقه ایکّی کیشی بار و هر کونی یاکه هفتهده اونچهلیک سودا قیلمهیمیز.»
بیزلرنینگ فیسبوک صحیفهمیزگه باش اورینگ!
اوچ ییل اول کیچیک ایشینی باشلهگنیدن کېین، بوگون فخریه قریب ۳۰۰ مینگ افغانی سرمایه بیلن کابل بازاریده فعالیت اېتماقده و ایشی انچه یخشی بولگن. اوشبو دکانده، افغانستان قول توقیمه تورلی طرح و رنگلری بیلن کییملر کورگزمه گه قوییلگن. اونینگ یانیده ایکّی قیز ایشلهیدی و ۳۰ عیال هم نامستقیم طرزده خامکدوزلیک، مهرهدوزلیک و تیکووچیلیک بولیملریده ایشلهماقدهلر.
اوشبو امید و قانیقیش آرهسیده، فخریهنینگ فعالیتی یولیده معمالر هم موجود. قول صناعتی نازک ایشلاو و کوپ وقت طلب قیلگنی اوچون قیمت گه توشهدی و بوندهی محصولاتلرنی خرید قیلیش گه کم آدمنینگ قوربی یېتیشینی بیلدیرهدی، فخریه.
اونینگ ایتیشیچه: «حاضرگی کونده اوقیش گه دوام بیره آلمهیمیز. شو تجارت و قول صناعتی ایشی بیلن باشقه ایشلرنی قیله آلمهیدیگن خاتین-قیزلر گه ایش امکانیتینی یرهتیشنی اېستهی من.»
فخریه، برچه معمالرگه قرهمهی اۉز قول صناعتینی کېنگهیتیریب، اۉزی نهفقط تدبیرکار عیال بولیب یېتیشهدی، بلکه باشقه خاتین-قیزلر اوچون هم بو ساحهده درآمد منبع یرهتیب بیریشنی اېستهیدی.
بیزلرنینگ «ایکس» ترماغی ده هم تعقیب قیلینگ!
کابللیک عادله شیرزاد، خرید اوچون دکان گه کېلگن ایتیشیچه، برچه قیینچیلیک و چېکلاولر گه قرهمسدن اۉزلریگه ایشانگن خاتین-قیزلرنی کوریشدن خورسند بولگن.
عادلهنینگ کوپهیتیریشیچه، بیر قیزدن خرید قیلیش کوپ آسان دیر. «بوگون اوشبو مارکیت گه کېلدیم و کییم ساتیب آلیشنی اېستهی من. بو مارکیتده دکاندارلیک قیلهدیگن عیاللرنی کوردیم، خورسند بولدیم چونکه باشقه یوللر عیاللر یوزیگه باغلیق. بولر آز پول بیلن دکان توزهتگنلر.»
کابلنینگ غربی قسمی گوجوم کوچهلریده، قویاش زوردن بلند و تار دیوارلری آرهسیدن کوریلهدی، دکاندار قیزلر، آرزولریگه ایریشیش اوچون حرکت قیلیش گه دوام اېتماقدهلر.
فخریه، بیلیم یورتلر ایشیگی آچیلیشینی کوتیش اورنیده، بازار قلبی و جمعیتدهگی موجود اقتصادی معمالر گه قرهمسدن، اۉز قولی بیلن یخشی کېلهجک اوچون سعی-حرکت قیلماقده. هر بیر کییم، هر بیر تیکیش و دکانده آسیلگن هر بیر صناعت بویومی، چېکسیز کورهشیش، بوگونگیدن یخشیراق کېلهجک قوریشگه بولگن قطعی قرارنینگ بیلگیسی دیر.
