امریکا قوشمه ایالتلریده میلادی ۲۰۲۶ ییل باشیدن بویان صادر بولگن آتیشمه حادثهلری عاقبتیده بیش مینگدن آرتیق آدم اولگن.
قید ایتیلیشیچه، ۲۶ می گه قدر امریکا بویلب اوقآتر قوراللر بیلن باغلیق حادثهلرده ۹۰۳۸ کیشی تورلی درجهدهگی جراحتلر آلگن، ۵۰۴۸ کیشی ایسه وفات ایتگن.
معلوماتلر گه کوره، میلادی ۲۰۲۶ ییل دوامیده امریکاده ۱۵۸ ته عامهوی آتیشمه حالتی قید ایتیلگن. بو کورستکیچ اوتگن ییلنینگ دوریگه نسبتن ۳۸ ته گه کم ایکنی تأکیدلنگن.
ایسلهتیب اوتهمیز، ۲۳ می کونی کیچقورون واشنگتندهگی آق اوی یقینیده هم آتیشمه صادر بولگن ایدی. معلوماتلر اساسیده، بیر کیشی سومکه (بیک)یدن قورال چیقریب، خوفسیزلیک نظارت بیکتی یقینیده اوت آچگن.
مخفی خذمت خادملری جواب طریقهسیده قورال ایشلهتگن. هجومچی کسلخانه گه آلیب کیتیلگن، بیراق کیینچهلیک وفات ایتگن.
