بشر حقوقی کوزهتیش تشکیلاتی اعلامیه ترقهتیب، آمریکا جمهور باشلیغی جوبایدن نینگ افغانستان مرکزی بانکی ذخیره لریدن ۳.۵ میلیارد دالرنی ۱۱سپتامبر قربانیلری عایلهلری گه اختصاص بیریشی گه عاید فرمانیدن تنقید قیلیب ایتیشیچه، آمریکا جمهور باشلیغی افغانستان داراییلرینی تصرف ایتیش آرتیده دیر.
جوبایدن نینگ فرمانی اساسیده، افغانستان نینگ ۷میلیارد تشقی ذخیرهلری اسلامی امارت حاکمیت گه ایریشگنیدن کیین آمریکا نینگ نیویورک شهری بانکیده موزله تیلدی، ۳.۵ میلیارد دالری امانی صندوقی گه انتقال بیریلهدی و ۳.۵ میلیاردی ۱۱سپتامبر هجومی قربانیلری نینگ عایلهلری گه اختصاص بیریلهدی.
بیزلرنینگ توییترده هم تعقیب قیلینگ!
بشر حقوقی دیدبانی نینگ ایتیشیچه، اوشبو قرار عملگه آشیریلگن تقدیرده، مال-مُلکنی نظارت قیلیش اوچون قیینچیلیک ایجاد ایتیلیشی ممکن. مذکور تشکیلات نینگ بیاناتیده کیلیشیچه، ۳.۵ ملیارد دالر افغانستان اوچون انسان پرورلیک یاردملر گه اختصاص بیریلیشی سخاوتمندلیک کوریلیشی ممکن، بیراق بوندن آلدین ۷ میلیارد دالر قانونی روشده افغانستان یشاوچیلری گه اجرهتیلگن.
بشر حقوقی کوزهتیش تشکیلاتی گه کوره، افغانستان نینگ حاضرگی قیینچیلیکلرینی حل قیلیش و اقتصاد قوللشینی آلدینی آلیش و افغانستان گه اقتصادی چیکلاولرنی کمهیتیریش مقصدیده، بیرلشگن ملتلر تشکیلاتی و انسان پرورلیک تشکیلاتلر، آمریکا قوشمه ایالتلری و دنیا بانکینی قانیقتیریش اوچون سعی-حرکت قیلماقدهلر.
مذکور نهاد نینگ اعلامیه سیده کیلیشیچه، افغانستان بانکی تیزیمی گه حاضرگی چیکلاولر، اوشبو اولکه خلقینی قحطلیک تامان سوق بیرهدی؛ «عینحالده اسلامی امارت نینگ زوروانلیک لری کوچهیشی، خاتین قیزلر نینگ کلتکلش و اولر گه قرشی چیکلاولر یره تیلماقده دیر.»
بیزلرنینگ فیسبوک صحیفهمیزگه باش اورینگ!
بشر حقوقی کوزهتیش تشکیلاتی نینگ کوپیتیریشیچه، افغانستان نینگ ۹۰ فایز اهالیسی توییب آوقتلنمسلیک دن رنج ایلتهدیلر. اوشبو اداره نینگ تاکیدلشیچه، افغانستان اقتصادی بحرانی آلدی آلینیشی اوچون مذکور مملکت نینگ مرکزی بانکی گه دالر بیلن معامله قیلیش ایزینی بیریلیشی کیرهک.
عینحالده، سابق دولت قوللشی و افغانستان اسلامی امارت حاکمیت گه ایریشیشیدن کیین، اوشبو مملکت مرکزی بانکی نینگ قریب ۱۰ میلیارد ذخیرهلری دنیا بانک لریده توسیلدی. آمریکا جمهوررئیسی اوتگن کیچه افغانستان مرکزی بانکی ذخیره لریدن ۷ میلیارد دالر آزاد ایتیلیشینی امضالهدی.