تخار ده قربان هییت بیرمی ایکینچی کونیده، «مستاوه» تیارلشنینگ قدیمی عنعنهسی حاضرگچه صمیمیت بیلن دوام ایتیب و بو ولایت اهالیسی اونی یخشی و عنعنوی عرف-عادتلردن بیری صفتیده اسرب کیلماقده.
تخار یشاوچیلری قربان هییتینینگ ایکینچی کونی ایرتهلب مسجدلرگه ییغیلیب، قربانلیک قیلگن عایلهلر گوشتلی مستاوه تیار قیلهدیلر و اونی اوزلری بیلن مسجدلرگه آلیب بارهدیلر.
شونینگدیک اولر، قربانلیک قیله آلمهگن کیشیلر بیلن بیرگه بیر دسترخوانده اولتیریب و بو آوقتدن ییهدیلر و بیر قسمینی ایسه کمبغل کیشیلرگه هم یوبارهدیلر.
ییلر دوامیده تخار یشاوچیسی آرهسیده دوام ایتیب کیلهیاتگن اوشبو دورهده، کتهوکیچیک فرقسیز یانمه-یان اولتیریب، بیرلیک و بیردملیک محیطینی سقلهب کیلماقده.
تخار یشاوچیلرینینگ ایتیشلریچه، بو عرف-عادتدن مقصد، مهر-محبتنی مستحکملش، اهالی آرهسیده صمیمیتنی آشیریش همده خیر و برکت اوچون همه بیرگه دعا قیلیش دیر.
