روسیه باش وزیری اورین باسری الکسی اوورچوک باشچیلیگیده اوشبو مملکت‌نینگ یوقاری مرتبه‌لی هیئتی کابل گه تشریف بویروشی بیلن، افغانستان خصوصی سکتوری و روسیه اورته‌سیده تورلی ساحه‌لرده ۱۰۳ میلیون دالرلیک ۱۵ ته شرطنامه امضالندی.
اسلام امیرلیگی باش وزیری‌نینگ اقتصادی اورین باسرلیگی، بوگون (۲۱ عقرب/۱۲ نومبر، پنج‌شنبه) ایکس صحیفه‌سیده بیر بیانیه ترقه‌تیب، اوشبو شرطنامه‌لر اسلام امیرلیگی باش وزیری‌نینگ اقتصادی اورین باسری ملا عبدالغنی برادر و روسیه باش وزیری اورین باسری الکسی اوورچوک اشتراکیده امضالنگنینی معلوم قیلگن.
بیانیه گه کوره، شرطنامه‌لر دارو-درمان، بوغدای، اون و یاغ روسیه‌دن افغانستان گه کیلتیریلیشی و تازه میوه جمله‌دن انارنی روسیه گه صادر ایتیش، کابل و مسکو اورته‌سیده سودا همکارلیکلرنی مستحکملش‌نی اوز ایچیگه آله‌دی.
ایسله‌تیب اوته‌میز، روسیه باش وزیری اورین باسری باشچیلیگیده اوشبو مملکت‌نینگ یوقاری مرتبه‌لی هیئتی، رسمی تشریف بیلن بوگون کابل گه کیلدی.
