تورکیه جمهور باشلیغی رجب طیب اردوغان، اوشبو مملکت‌نینگ آنتالیا شهریده بولیب اوتگن بیرلشگن ملتلر تشکیلاتی‌نینگ اقلیم اوزگریشی بوییچه کنفرانسی (کاپ ۳۱)نینگ آچیلیش مراسمیده، اقلیم اوزگریشی انقراضیگه قرشی کوره‌شیش اوچون دنیا مملکتلری بیرلشیشی ضرورلیگینی ایتدی.
اردوغان جنابلری، رواجلنگن دولتلرنی ایسیقخانه گازلری چیقیندیلرینی کمه‌یتیریش و اقلیم گه قرشی چاره-تدبیرلرنی مالیه‌وی تأمینلش باره‌سیده کوپراق مسئولیت آلیشگه چقیردی.
تورکیه جمهور باشلیغی سوزلری دوامیده، غزه‌ده‌گی وضعیت گه هم توخته‌لیب، اطراف-محیط‌نینگ کینگ کولمده ویران قیلینیشی، کوچیریلگن اهالی جایلرینی سوو باسیشی و باله‌لرنینگ آغیر شرایط‌ده یشه‌یاتگنینی قاره‌له‌دی و غزه قملینی توگه‌تیش و اوشبو حدود گه انسان‌پرورلیک یاردمی ییتکزیلیشینی آسانلشتیریش گه تأکید ایتدی.
اردوغان، کیله‌جک اولادلر گه اینگ قیمتلی، ینه‌ده تازه، یشیل و عدالتلی میراث قالدیریلیشی اوچون اطراف-محیط گه علیحده دقت قره‌تیلیشینی طلب قیلدی.
اوشبو کنفرانس ۹ نومبر کونی تورکیه‌نینگ آنتالیا شهریده باشلنگن و ۲۰ نومبرگچه دوام ایتیشی کوتیله‌دی. دنیانینگ تورلی بورچک‌لریدن ایریم مملکتلرنینگ وکیللری اشتراک ایتگن و اونده اقلیم اوزگریشیگه قرشی چاره کوریش مسئله‌لری حقیده بحث ایته‌دیلر.
