زابل ساغلیق‌نی سقلش ریاست مسئوللری نینگ ایتیشلریچه، سونگی کون‌لر ده قار یاغیشی و هوا ساووق بولیشی بیلن، مذکور ولایت نینگ شینکی و باشقه تومن‌لریده ۸۰۰ کیشی، موسومی و تنفسی کسل‌لیککه چلینگن.
زابل ساغلیق‌نی سقلش باشلیغی عبدالحکیم حکیمی نینگ سلام‌وطندار گه ایتیشیچه: «زابل نینگ قطار تومن‌لری اینیقسه شینکی تومنیده، قریب ۸۰۰ کیشی موسومی و تنفسی کسل‌لیککه چلینگن. یوللر بوزوق بولیشی گه قره‌مسدن ساغلیک تیم‌لر منطقه گه ییتیب بارگنلر.»
بیزلرنینگ فیسبوک صحیفه‌میزگه باش اورینگ!
زابل ولایتی شینکی تومنی یشاوچیلری گه کوره، هوا ساووق‌لیگی و یوللر موزلشی باعث تورلی خیل اینیقسه ساغلیک قیینچیلیک بیلن روپه‌ره بولگنلر.
شینکی تومنی یشاوچیسی آغا نینگ سلام‌وطندار گه ایتیشیچه: «بو ییرده کوچلی قار یاغیب و بوران بولدی. منطقه دن هیچ کیم چیقه آلمه‌یدی. بوییرده یالغیز روغانی آتیده بیر ساغلیک مرکز بار و اهالی اوز کسل‌لرینی حیوان‌لر آرقه‌لی انتقال بیره آله‌دیلر چونکه یوللر توسیلگن. بیر کسل‌نی انتقال بیریش اوچون ۱۰ و ۱۵ کیشی نیاز دیر.»
شینکی تومنی یشاوچیلریدن باشقه بیری عبدالواسع گه کوره: «مین شینکی تومنی روغانی یشاوچیسی من. بو ییرده کوچلی قار یاغیب و بوران بولدی باغ‌لر کبی برچه ایکینزارلر یوق بولگن. بوران دن کیین کسل‌لیکلر کوپه‌یگن. کسل‌لرنی آغزی و بورنی دن قان کیله‌دی. بیز اوچون بو ییرده کلینیک قوریلیشی کیره‌ک، چونکه اونگه نیازیمیز بار.»
عین‌حالده، ساغلیک ایشلری بوییچه ایش بیلرمان‌لردن قطاری، هوا ساووق‌لیگی، مناسب آوقات یوق‌لیگی و طبی مسئله‌لر رعایت ایتیلمسلیگینی، موسومی و تنفسی کسللیک کوپه‌یش عاملی عنوان قیله‌دیلر.
بیزلرنینگ توییترده هم تعقیب قیلینگ!
زابل ده ایچکی کسللیک متخصصی سیدعمران نینگ ایتیشیچه: «اوشبو کسل‌لیکلر کوپراق هوا ساووق‌لیگی، مناسب آوقات یوق‌لیگی و طبی مسئله‌لر رعایت ایتیلمسلیگی باعث کوپیه‌دی. شونی اوچون کسل‌لر یخشی آوقاتله‌نیب و طبی مسئله‌لرنی رعایت قیلیشی کیره‌ک.»
ایتیش کیره‌ک که، بوندن آلدین زابل یشاوچیلریدن قطاری، موسومی و نامعلوم کسل‌لیکلر باعث هلاک بولگنلریدن کیین، اوشبو ولایت یشاوچیلری طبی امکانیت یوق‌لیگیدن شکایت قیلماقده‌لر.
