افغانستان سودا و سرمایه کیریتیش اتاقی، بامیان کچالوسی بیرینچی مرته اوزبیکستان گه صادر قیلینیشی باشلنگنیدن خبر بیردی.
اوشبو اداره، بوگون (۲۱ عقرب/۱۲ نومبر، پنج‌شنبه) ایکس صحیفه‌سیده، بامیان ولایتیدن یوکلنگن کچالو موترلری، بیرینچی مرته بولیب حیرتان بندری آرقه‌لی اوزبیکستان‌نینگ ترمذ شهری تامان یوللنگنینی معلوم قیلگن.
بیانیه گه کوره، کچالو توارلری افغانستان سودا و سرمایه کیریتیش اتاقی و اوزبیکستان سودا اتاقی‌نینگ همکارلیگی بیلن بو مملکت گه سیناو طریقه‌سیده صادر قیلینیشی باشلنگن.
افغانستان سودا و سرمایه کیریتیش اتاقی عمومی باشلیغی و اوزبیکستان سودا اتاقی باشلیغی‌نینگ کیلیشووی اساسیده، ۱۰۰ مینگ تُن بامیان کچالوسی اوزبیکستان گه صادر قیلینیشیگه کیلیشگن و شرطنامه امضالنیش ایشلری آلغه آلیب باریلماقده‌لیگی ایتیلگن.
