لوگر امنیه قومندانلیگی مسئوللری نینگ ایتیشلریچه، اوشبو اداره پاسپورت آمریتی نینگ برچه تخنیکی قیینچیلیکلری حل ایتیلگن و پاسپورت ترقه‌تیش جریانی نی بوگون ینگی بیرلایحه بیلن باشله گن‌لر
لوگر امنیه قومندانلیگی سوزلاوچیسی احمدالله انس نینگ سلام‌وطندارگه ایتیشیچه، اوشبو ولایت‌ده پاسپورت ترقه‌تیش جریان بوگون قیته باشلنگن و پاسپورت طلبگارلری انیقلنگن تقسیم اوقات یوزیدن عریضه‌لرینی، تیگیشلی تومنلریده آلیب باریب حکم آلیشلری ممکن.
احمدالله انس نینگ کوپه‌تیریشیچه، «پاسپورت ترقه‌تیش جریانی بیر آی آلدین تخنیکی قینچیلیک سبب توخته‌تیلگن ایدی و بوگون ینگی بیر لایحه بیلن قیته باشلندی. اوشبو لایحه اساسیده، پاسپورت طلبگارلری بیرینچی‌دن عریضه‌لرینی تیگیشلی تومن‌لر گه آلیب باریب حکم آله دیلر وکیین امنیه قومندالیگی گه مراجعت قیله‌دیلر.
بیزلرنینگ توییترده هم تعقیب قیلینگ!
لوگر امینه قومندانلیگی سوزلاچیسی نینگ تاکید قیلیشیچه، اوشبو ولایت پاسپورت آمریتی کونیده ۸۰ کیشی گه پاسپورت ترقه‌تیش گه قادر و اوتمیش‌دن تعین قیلینگن تقسیم اوقات گه بنا لوگر مرکزی شامل تومنلریده پاسپورت طلبگارلریگه پاسپورت ترقهتیلهدی.
شونده‌ی بیرحالده، لوگر یشاوچی‌لریدن قطاری خواطر بیلدیریب ایتیشلریچه، اوشبو ولایت‌ده پاسپورت ترقه‌تیش جریانی هر آی فنی قیینچیلیک سبب توخته‌تیله‌دی.
اولر اسلامی امارت مسئوللریدن لوگر ولایتی پاسپورت آمریتیده پاسپورت طلبگارلری نینگ برچه قیینچیلیکلری حل ایتیلیشی اوچون اوشبو آمریت‌ده مسلکی و ملَکه‌لی کیشی‌لرنی تعین قیلیشلرینی سوره‌گن.
بیزلرنینگ فیسبوک صحیفه‌میزگه باش اورینگ!
تخمیناً بیرآی آلدین لوگر امنیه قومندانلیگی نینگ مسئوللری اوشبو ولایت‌ده پاسپورت ترقه‌تیش جریانی تخنیکی قیینچیلیک سبب توخته‌تیلگنی‌نی اعلام قیلگن ایدی. عین‌حالده، اسلامی امارت حاکم بولگندن بویان بو پروسه نیچه مراتبه توخته‌تیلگن دیر. هردایم مسئوللر اوشبو پروسه توخته‌تیلیش دلیلی‌نی فنی قیینچیلیک عنوان قیلگن.
