افغانستان اوچون مخصوص امانی صندیغینینگ ایتیشیچه، سرمایه، اورگهتیش و بازارگه قول تاپیش امکانیتینی یرهتیش بیلن، اوشبو مملکتده ۱۶ مینگدن آرتیق کیچیک و اورته تجارتنی قوللب-قوتلهگن.
اوشبو نهادنینگ بوگون (۷-سرطان، یکشنبه)، اکس صحیفهسیده یازیشیچه، مذکور تجارتلرنینگ توقیز مینگدن آرتیغی عیاللر آرقهلی رهبرلیک بولماقده.
افغانستان اوچون مخصوص امانی صندیغیگه کوره، کیچیک و اورته تجارتلر ایش فرصتلرینی یرهتیش، تیریکچیلیک امکانیتلرینی تامینلش و افغانستان یشاوچیلری اقتصادینی کوچلنتیریش بیلن، عایلهلر اقتصادی رواجلنیشیده مهم اورینگه ایگه دیر.
شونینگدیک بیرلشگن ملتلر تشکیلاتینینگ ترقیاتی دستوری افغانستان بولیمی، اوتگن کون بو مملکتده کیچیک و اورته تجارتلرنینگ کوچلنتیریلیشی همده برقرار اقتصادی ترقیات مستحکملنیشیگه دوام بیریشینی ایتگن.
