بیرلشگن ملتلر تشکیلاتی، خلقارا کیچیک و اورته تجارتلر کونی مناسبتی بیلن ایتیشیچه، بو کبی کسبوکارلر دنیا اقتصادی اساسلرینی شکللنتیرهدی.
مذکور نهادنینگ بوگون (۶-سرطان/۲۷-جون، شنبه)، اکس صحیفهسیده یازیشیچه، کیچیک و اورته تجارتلر اقتصادی رشد مستحکملنیشی، برچه اوچون مناسب ایش زمینهسی یرهتیلیشی و برقرار ترقیات مقصدلریگه قول تاپیشده مهم اورینگه ایگه دیر.
بیرلشگن ملتلر تشکیلاتیگه کوره، کیچیک و اورته تجارتلر دنیا دهگی کسبوکارلردن ۹۰ فایزدن آرتیغینی تشکیل بیرهدی. اوشبو نهادنینگ اورغولشیچه، دنیا اقتصادی، اجتماعی، یشش محیط و تکنالوژی قیینچیلیکلری بیلن روپهره بولگنی بیر حالده، تدبیرکارلیک و برقرار صناعتی ترقیات آرقهلی کیچیک و اورته تجارتلرنی قوللب-قوتلش، چیدهملی اقتصادلرنی یرهتیش اوچون ضرور دیر.
بیرلشگن ملتلر تشکیلاتینینگ کوپهیتیریشیچه، کیچیک و اورته تجارتلر ایش زمینهسی یرهتیلیشی، درآمد و محلی اقتصاد آشیشینینگ اینگ مهم منبعلریدن بیری بولیب، اینیقسه عیاللر، یاشلر و ضعیف گروهلر اوچون مهم اهمیتگه ایگه دیر.
مذکور نهاد، مملکتلردن اقتصادی چیدهملیک آشیشی و برقرار صناعتی ترقیات رواجلنیشی اوچون کیچیک و اورته تجارتلرنینگ قوللب-قوتلنیشینی سورهگن.
۲۷-جون ۲۰۱۷-ییلده بیرلشگن ملتلر تشکیلاتی عمومی مجمعسی آرقهلی دنیا اقتصادیده کیچیک و اورته کسبوکارلر اورنی حقیده آگاهیلیک آشیشی و برقرار ترقیات مقصدلریگه قول تاپیش اوچون اونینگ اهمیتینی کورسهتیش مقصد، خلقارا کیچیک و اورته تجارتلر کونی صفتیده ناملنگن.
