بیرلشگن ملتلر تشکیلاتینینگ اوی-جای دستوری، افغانستان ده میلیونلب کیشینینگ حاضرگچه ایچیملیک سوودن فایدهلنه آلمسلیگینی معلوم قیلگن.
بیرلشگن ملتلر تشکیلاتی اوشبو نهادینینگ بوگون (۶-اسد/۲۸-جولای، سهشنبه)، اکس صحیفهسیده یازیشیچه، سوو، حیات منبعسی دیر؛ لیکن افغانستان یشاوچیلری ایچیملیک سوودن فایدهلنیش اوچون قیینچیلیکلر بیلن روپهرهلر.
بیرلشگن ملتلر تشکیلاتینینگ اوی-جای دستوریگه کوره، یخشی شهری ریجهلشتیریش و سوونینگ درست شکلده مدیریت قیلیش بیلن سوو منبعلرینی سقلش، ساغلیق وضعیتنی یخشیلش و ساغلام جمعیتنی یرهتیش ممکن.
بو نهاد، افغانستان ده سوو منبعلری سقلهنیشی اوچون توپلم شکلده اقدام بولینیشینی سورهگن.
افغانستان، هوا اوزگریشلری و سوو منبعلری کملیگی عاقبتلریدن جدی زیان کورگن مملکتلردن دیر. اوشبو مملکت سونگی ییللرده کیتمه-کیت قوروقچیلیکلر و سوو منبعلری کمهیشی بیلن روپهره بولگن.
شونینگدیک بوندن آلدین هم بیرلشگن ملتلر تشکیلاتی، افغانستان جمعیتیدن یریمدن آرتیغینینگ سوو تنقیصلیگی و قوروقچیلیک تاثیری آستیده بولگنیدن آگاهلنتیرگن ایدی.
