آمریکا آق سرای نینگ اعلام قیلیشیچه، کرونا ویروسی نینگ ینگی توری (دلتا) افغانستان ده یَیرلماقده و آمریکا اوچ میلیون دوز کرونا واکسینی «جانسون و جانسون» نی افغانستان اهالیسی نینگ اختیاری گه قرار بیره‌دی.
آق سرای سوزلاوچیسی اورین‌باسری کرین ژان پییر، بو موضوع نی اوتگن کون خبرچیلر بیلن اوتکزگن سوزلشووده بیان قیلگن. شونینگدیک آق سرای سوزلاوچیسی اورین‌باسری نینگ ایتیشیچه، مذکور مقدار واکسن کیلگوسی هفته جریانیده افغانستان گه انتقال تاپه‌دی. آمریکا واکسین گه علاوه باشقه ساغلیک جهازلر هم افغانستان گه یاردم بیریشی ممکن.
جانسون و جانسون واکسنی دنیا نینگ اینگ ایشانچلی واکسن‌لریدن دیر. مذکور واکسن دن هر بیر کیشی گه یالغیز بیر دوز تطبیق ایتیله‌دی. ساغلیک وزیرلیگی نینگ معلوماتی اساسیده، افغانستان نینگ ۴۲ میلیون دوز کرونا واکسینی گه احتیاجی بار. شونینگدیک افغانستان کرونا واکسنی ساتیب آلیش اوچون حاضرگچه ۳۲۰ میلیون دالر اَجره‌تگن.
شونده‌ی بیرحالده، ساغلیک وزیرلیگی حاضرگچه سه محموله کرونا واکسنی نی هند، کواکس برنامه‌سی و چین دن قولگه کیلتیرگن. هند ۵۰۰ مینگ دوز واکسین، کواکس ۴۶۸ مینگ دوز واکسن و چین ایسه ۷۰۰ مینگ دوز واکسن افغانستان گه یاردم و انتقال بیرگن.
