دنیا بانکی نینگ اعلام قیلیشیچه، اوشبو ۱۱۳ میلیون دالرلیک مالی یاردم افغانستان یشاوچی‌لریدن ۱۷ فایزدن یوقاریسی گه کرونا واکسینی تطبیق ایتیلیشی اوچون زمینه یره‌ته‌دی.
بوگون (جمعه ۲۹- حوت) دنیا بانکی تامانیدن نشر قیلینگن خبرنامه ده کیلیشیچه، مذکور بانک رهبرلیک هیأتی مذکور مالی یاردم دن ۶۰ میلیون دالری نی افغانستان اوچون تصویب قیلگن. بو مالی بسته افغانستان ده کرونا واکسینی گه تینگ شکلده قول تاپیش خصوصیده یاردم بیره‌دی.
دنیا بانکی گه کوره، مذکور قیته توللنمه‌یدیگن ۱۱۳ میلیون دالرلیک پول کووید-۱۹ گه قرشی عاجل کوره‌ش پروژه‌سی و افغانستان ساغلیک سیستم تیارگرلیگی آرقه‌لی صرفله‌نیشی ممکن.
اوشبو مالی بسته گه افغانستان قیته قوریلیش صندوقی نینگ ۵۰ میلیون دالرلیک یاردمی و انرژی بولیمی نی مدیریت قیلیش برنامه‌سی نینگ ۳ میلیون دالرلیک یاردمی شامل بوله‌دی.
دنیا بانکی نینگ ایتیشیچه، بو بانک تامانیدن ینگی مالی بسته کوپه‌یشی بیلن افغانستان یشاوچی‌لریدن یریمی کرونا واکسینی قولگه کیریتیشی ممکن.
شونینگدیک دنیا بانکی نینگ رهبرلیک هیأتی خلق‌ارا رواجلنتیریش اداره‌سی نینگ ۵۰۰ میلیون دالرلیک مالی یاردمی نی بنگلادیش و ۷۵ میلیون دالرلیک یاردمی نیپال گه تصویب قیلگن.
