دنیا بانکی نینگ رهبرلیک هیأتی افغانستان اوچون ۹۷.۵ میلیون دالرلیک (قیته توللنمه‌یدیگن) ینگی یاردمی بسته نی تصویب قیلدی. مذکور یاردم اوتگن کون (سه‌شنبه ۲۸- دلو) تصویب بولگن.
مذکور یاردم قورغاوچیلیک و کرونا ویروسی باعث قیشلاق‌لرده‌گی ضرر کورگن کیشی‌لردن حمایت قیلیش اوچون صرفله‌نیشی ممکن.
دنیا بانکی نینگ ایتیشیچه، مذکور یاردم‌لردن بیر بولیمی افغانستان ده قورغاوچیلیک اثرلری گه تیزلیککه جواب بیریش اوچون آگاه‌لنتیره‌دیگن بیر تیزیم ایجاد ایتیلیشی گه صرفله‌نیشی ممکن.
دنیا بانکی تامانیدن ترقه‌تیلگن اعلامیه‌ده کیلیشیچه، دستلبکی آگاه‌لنتیریش پروژه و قورغاوچیلیک اثرلریگه تیزلیککه جواب قیتریش، قیدسیز و شرط‌سیز یاردملر و ۷۸ تومنده قورغاوچیلیکدن ضرر کورگن کمیده ۲.۲ میلیون کیشی گه ایش زمینه‌سی یره‌ته‌دی.
افغانستان اوچون دنیا بانکی نینگ دفتری باشلیغی هینری کرالی نینگ ایتیشیچه، افغانستان هواسی اوزگره‌دیگن و طبیعی حادثه‌لردن ضرر کوره‌دیگن بیر مملکت دیر و سوو و هوا اوزگریشی توغریسیده مذکور مملکت نینگ کوچسیز سیستمی بو مملکت نینگ ضرر کوره‌دیگن بیر مملکت که اوزگرتیرگن.
اونگه کوره، ینگی مالی یاردم بسته‌سی میلیون‌لرچه افغان نی قشاقلیک بیلن روپه‌رو قیلگن قورغاوچیلیک اثرلری نینگ کمه‌یتیریش اوچون افغانستان دولتی گه یاردم بیریشی ممکن.
هینری کرالی نینگ کوپه‌یتیریشیچه، بو پروژه نینگ یاردمی افغانستان قیشلاق‌لریده یشه‌یدیگن قشاق عایله‌لرنینگ اقتصادی وضعیتی یخشی‌لنیشی اوچون همکارلیک قیلیشی ممکن.
