افغانستان نینگ بیر قطار اوزاق منطقه‌لر یشاوچیلری، حیات کیچیره‌دیگنلری منطقه‌ده ملکه‌لی شفاکارلر و جهازلنگن کلینیک‌لر یوقلیگی‌دن شکایت قیلیب ایتیشلریچه، کسل‌لری نینگ درمانی مرکزلر گه انتقال بیریش اوچون کوپینچه یول یوریب و کوپینچه پول صرف‌لش گه مجبورلر.
بدخشان نینگ بیر قطار تومن‌لر یشاوچیلری نینگ ایتیشلریچه، حیات کیچیره‌دیگنلری منطقه‌ده جهازلنگن کلینیک یوقلیگی سبب، کوپینچه پیت عاجل کسل‌لر دوالنیش اوچون اوشبو ولایت مرکزی یا-ده مملکت پایتختی‌ده‌گی درمانی مرکزلر گه انتقال بیریلیش چاغیده، یولده جان بیره‌دی.
بدخشان ولایتی کوهستانات تومنی یشاوچیسی عتیق‌الله نینگ ایتیشیچه: «کسل‌لیمیز بار ایدی، مرکزی کسل‌خانه گه انتقال بیردیک، تومن‌ده امکانیت یوق. شفاکارلر درست تشخیص بیره آلمه‌یدی. کسل‌لر حتا یولده جان بیره‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک اوشبو ولایت خواهان تومنی یشاوچیسی احمد‌ضیاء نینگ ایتیشیچه: «ساغلیق مرکزلر و ییترلی امکانیت یوقلیگی سبب، کسلی‌میز نی مرکز گه انتقال بیریش گه مجبور بولدیک. بیر تاماندن، یوللر هم بوزوق و کسل حتا یولده جان بیره‌دی.»
عین حالده، اوتگن کون بیرلشگن ملت‌لر تشکیلاتی ایکس اجتماعی ترماغیده بیر بیانیه ترقه‌تیب یازیشیچه، افغانستان نینگ اوزاق منطقه‌لریده جدی شکلده ملکه‌لی شفاکار و طبی امکانیت کم‌لیگی، کوپینچه کیشی نینگ حیاتی نی خوف بیلن روپه‌ره قیله‌دی.
شونده‌ی بیرحالده، قندهار ولایتی شورابک و پنجوایی تومن‌لر یشاوچیلری نینگ ایتیشلریچه، دوالش اوچون کسل‌لری نینگ مرکز گه انتقال بیریش گه مجبورلر.
قندهار ولایتی شورابک تومنی یشاوچیسی محمد‌رسول نینگ ایتیشیچه: «بو ییرده کیلینک بیزلردن کوپ اوزاق، درست شکلده درمان قیلمه‌یدیلر. مجبور قندهار شهری گه بارسه‌ک. کوپ پول صرف‌لنه‌دی و شونینگدیک کسل‌لیمیز نینگ خصوصی کلینیک‌لر گه آلیب باریش گه مجبور بوله‌میز.»
شونینگدیک مذکور ولایت پنجوایی تومنی یشاوچیسی فیروزالدین، دولت‌ده بو ییرده کلینیک قوریلیشی و برچه کسل‌لر قیین‌چیلیگی حل بولیشی نی ایسته‌گن.
شونده‌ی بیرحالده، ساغلق‌نی سقلش وزیرلیگی مسئوللری نینگ ایتیشلریچه، یشاوچیلر نینگ نیازلری اساسیده، اوشبو ولایت نینگ اوزاق منطقه‌لریده ملکه‌لی شفاکارلر و درمانی امکانیت یره‌‌تیلگن؛ بیراق بو منطقه‌لرده کلینیک‌لر نینگ رواجلنیشی اوچون کوپینچه وقت گه نیاز بار.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی سوزلاوچیسی شرافت زمان امرخیل نینگ ایتیشیچه: «اسلام امیرلیگی نینگ قدرت گه ایریشگنی‌دن کیین، پلان و پالیسی اساسیده لیست توزه‌تیب، قیسی محروم منطقه اوچون کلینیک قوره‌یلیک دیب اولویت‌بندی قیلدیک. ایکی ییل‌دن بیری ۳۵۰ ساغلیق مرکز قوریلگن، طبی اوسکونه‌لر و شفاکار یوباریلگن. ۱۱ مینگ ۵۰۰ ینگی شفاکار ایش گه آلینگن.»
ساغلیق‌نی سقلش وزیرلیگی سوزلاوچیسی نینگ اورغولشیچه، افغانستان نینگ ساغلیق بولیمی‌ده قیین‌چیلیک‌لر نینگ حل بولیشی اوچون تشقی یاردم بیرووچی تشکیلات‌لر نینگ همکارلیگی اونملی و اساسی دیر.
عین حالده، ساغلیق بوییچه ایش بیلرمانلردن قطاری نینگ ایتیشلریچه، درمانی خذمت‌لر نی ارائه قیلیش بولیمی و بو بولیم‌ده متخصص بشری کوچ نینگ کوپه‌یشی‌ده یالغیز ایچکی سرمایه بیلن، درمانی خذمت‌لر خصوصیده یشاوچیلر نینگ فایده‌لنه آلمسلیگی قیین‌چیلیگی نی اساسی شکلده حل قیلیش ممکن دیر.
