غور ولایتیده فعالیت قیله‌دیگن خبرچی‌لردن بیری عبدالحمید، مملکت طالبان قولی‌گه سقوط قیلگنیدن سونگ، قاچاق یولی آرقه‌لی چیت‌ایللیک مملکت‌لردن بیریده بار‌گن.
اونینگ ایتیشیچه، اولر جان‌لریدن حفاظت قیلیش اوچون مملکت‌نی ترک قیلیش‌گه مجبور بولگنلر و قاچاق آرقه‌لی مملکت‌نی ترک قیلگن خبرچی‌لردن بیرقطاری نینگ سرنوشتی حاضرگه قدر معلوم ایمس.
بیزلرنینگ فیسبوک صحیفه‌میزگه باش اورینگ!
غور محلی خبرچی‌لریدن باشقه بیری عبدالقدوس نینگ ایتیشیچه، طالبان گروهی‌گه ایشانچی بولمه‌گنی باعث، مملکت‌نی ترک قیلگن.
عین‌حالده، غور محلی میدیالر مسوول‌لریدن بیرقطاری نینگ ایتیش‌لریچه، ایشلاوچی‌لریدن کوپ قطاری جانی مصونیت‌لری یوق‍‌لیگی، کم بغل‌لیک و ایش‌سیزلیک سبب، مملکت‌نی ترک قیلگنلر.
صدای غور رادیوسی مسوولی شفقت‌الله انوری و فیروزکوه رادیوسی مسوولی عنایت‌الله امینی نینگ ایتیشیچه، مملکت‌ده یوز بیرگن سونگی واقعه‌دن سونگ، اوشبو ولایت‌ده فعالیت قیله‌دیگن خبرچی‌لردن کوپ‌قطاری بو ولایت‌نی ترک قیلگنلر.
بوتوغریده میدیالردن حمایت قیلیووچی نهادلر فکرینی آلیش اوچون سعی و حرکت قیلدیک، لیکن موفق بولمه‌دیک.
