پنج‌شنبه کونی شام چاغی‌ کابل قونلغه‌سیده‌ یوز بیرگن ایکی پارتلش ده، ۱۷۰دن آرتیق کیشی هلاک و باشقه ۲۰۰‌دن آرتیق کیشی ایسه یره‌لنگن.

گرچند مذکور پارتلش‌لر‌دن کیین شهر نسبتن تینچ دیر؛ بیراق قطار کیشیلر اوچون هیچ نرسه سابق کبی ایمس. عایله‌لردن قطاری گروهی شکلده و باشقه بیر قطاری ایسه یالغیز یا-ده عایله‌سی نینگ بیر اعضاسی بیلن هلاک ایتیلگن.

مذکور پارتلش قربانی‌لری آره‌سیده ایکی خبرچی ایناغه، علی رضا و مجتبا احمدی هم شامل دیر که مذکور حادثه‌ده علی رضا هلاک و مجتبا‌ ایسه درک‌سیز یوقالگن. افغانستان نینگ ترک قیلیش‌گه قصد ایتگن اوشبو ایکی ایناغه، کوپینچه سعی و حرکت بیلن اوزلری نی قونلغه نینگ بیر دروازه‌سیگه قدر ییتیشتیرگن،‌ لیکن پارتلش افغانستان‌دن چیقیشدن آلدین علی رضا نینگ اولیمی و مجتبا نی ایسه درک‌سیز یوقالیشی گه سبب بولگن.

بیزلرنینگ فیسبوک صحیفه‌میزگه باش اورینگ!

مذکور ایکی خبرچی ایناغه نی اقارب‌لری نینگ ایتیش‌لریچه، کابل نینگ کسلخانه‌لری، عدلی طب و موزخانه‌لری نینگ اَختریب و اولرنینگ تاپیش اوچون کوپ سعی و حرکت قیلگنلر، بیراق یالغیز علی نینگ جسدی نی تاپگنلر و اونینگ ایناغه‌سی مجتبا دن هیچ قنده‌ی خبر یوق.

علی رضا و مجتبا نینگ ابه‌سی نی اوغلی روح‌الله نینگ ایتیشیچه:

«علی رضا احمدی نینگ جسدی اوتگن کون توشدن کیین وزیر اکبرخان ملی اردو کسلخانه‌سیدن تاپیلدی. حاضر هم کسلخانه گه دیر چون عایله‌سی اونینگ ایناغه‌سی مجتبی احمدی نینگ هم جسدی نی تاپیش گه اصرار قیله‌دی. مجتبی دن بیر اثر تاپیش اوچون بوگون هم بیر نیچه ساعت تلاش قیلدیک. علی نینگ جنازه‌سینی حاضرگچه دفن قیلگن یوق‌میز و او کسلخانه‌ده دیر.»

علی احمدی و مجتبا احمدی نیچه ییل‌دن بویان خصوصی میدیا‌لرده خبرچی صفتیده ایش قیلیب و رسانه‌یی فعالیت قیله‌دی ایکنلر.

اولرنینگ عایله اعضالری نینگ ایتیش‌لریچه، مذکور کیشیلر خبری پوشش جریانی‌ده نیچه مرته یره‌لنگن‌ ایکنلر، بیراق خبرچیلیک مسلکی نی هیچ بیر زمان ترک قیلمه‌گنلر.

علی و مجتبا نینگ اورتاق‌لری و اقارب‌لری، اولرنینگ سعی و حرکت قیله‌دیگن خبرچیلر صفتیده ایسله‌یدیلر.

علی رضا و مجتبا احمدی نینگ همکارلریدن بیری بصیر عبادی: 

«جناب احمدی نینگ شهادتی افغانستان رسانه و مطبوعات عایله‌سی اوچون کتته بیر ضایعه دیر و بو بیزلرنی کوپ قیغولنتیردی. بو کوپ آزارلنتیرووچی دیر که مملکت تحصیل قیلگن و نخبه ییگیت‌لری و شونینگدیک اهالی نی سیسی بولیب تورگن خبرچی‌لر ناامیدلیک بیلن مملکت نی ترک قیلیشه‌دی.»

کابل قونلغه‌سیده یوزبیرگن پارتلش‌لر کوپینچه عکس‌العمل‌لرگه روپه‌رو بولگن و شونینگدیک مذکور حادثه‌لر مسئولیتی نی داعش گروهی بوینیگه آلگن.

بیزلرنینگ توییترده هم تعقیب قیلینگ!

مرتبط با این خبر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام