گزارشلر اساسیده، مملکت طالبان نظارتی گه اوتگنیدن کیین، خبرچی‌لردن قطاری مذکور گروه تامانیدن قیناققه سالینیب و آزارلنتیریلگن. اوشبو گزارشلر اساسیده، خبرچی‌لردن قطاری گزارش تیارلش بیر چاغده، طالبان گروهی اعضالری تامانیدن کلتکله‌نیب و قطار عیال خبرچیلرگه هم بو گروه تامانیدن ایش رخصتی بیریلمه‌گن.
مملکتده وضعیت یمان بولگن بیرحالده، قطار مملکتلر خبرچیلر شامل ضرر کوره‌دیگن گروه‌لرنینگ قبول قیلیش‌لرینی اعلام قیلدی.
خبرچی‌لردن قطاری نینگ ادعا قیلیشیچه، قطار کیشیلر ساخته خبرچیلیک حجتی توزه‌تیب و بو یولدن واقعی خبرچیلر اورنیده افغانستان دن چیقیش اوچون حرکت قیلماقده.
بیزلرنینگ فیسبوک صحیفه‌میزگه باش اورینگ!
کابل ده خبرچی‌لردن بیری احمدنوید کاووش نینگ سلام‌وطندارگه ایتیشیچه، خبرچی بولمه‌ی و بو توغریده هیچ قنده‌ی فعالیت قیلمه‌گن کیشیلر، اوندن هویت کارتی توزه‌تیشی نی سوره‌گن.
مملکت خبرچی‌لریدن باشقه بیری احمد حسینی نینگ ایتیشیچه، ساخته حجت و خبرچیلیک حجتی توزه‌تیش او و اونگه اوخشه‌گن باشقه خبرچیلر که ییل‌لرچه بو توغریده فعالیت قیلگن، قبول قیلینمه‌یدیگن دیر.
اونینگ ایتیشیچه، مهاجر قبول قیله‌دیگن مملکتلر افغانستان دن انتقال بیریله‌دیگن خبرچیلرنینگ سند و حجت‌لرینی توغری تیکشیریش‌لری کیره‌ک.
تلویزیون خبرچی‌لریدن بیری لیدا نوروزی نینگ ایتیشیچه، او و اونینگ عایله اعضالرینی جانی خوفسیزلیگی یوق دیر و اولر تیزلیککه افغانستان دن تشقری انتقال بیریلیش‌لری کیره‌ک.
لیدا نینگ ایتیشیچه، سوءاستعمال قیله‌دیگن کیشیلر تامانیدن ساخته خبرچیلیک حجتی و سندی تیارله‌نیشی او و باشقه حقیقی خبرچیلر اوچون خواطر چیقارگن.
بو توغریده مسئول نهادلرنینگ فکرینی آلیش ایسته‌دیک؛ بیراق کوپینچه سعی و حرکت بیلن موفق بولمه‌دیک.
عین حالده، بوگون چیگره‌سیز گزارشگرلر تشکیلاتی بیر بیانیه ترقه‌تیب ایتیشیچه، مذکور تشکیلات افغانستان ده ضرر کوره‌دیگن خبرچیلرنینگ چیقاریلیشی خصوصیده اونلرچه ایسته‌ک نامه قولگه کیلتیرگن.
مذکور تشکیلات آمریکا جمهوررئیسی جو بایدن دن افغانستان ده ضرر کوره‌دیگن خبرچیلرنینگ چیقاریش خصوصیده خاص بیر ریجه تیارلب و اولرنینگ چیقاریلیشی گه زمینه یره‌تیشی نی سوره‌گن.
