پولیو گه قرشی اېملش کمپاینی ایرته (دوشنبه، ۷حوت)، مملکت نینگ ۲۱ ولایتیده باشلنیشی کوتیله‌دی.
مملکت ساغلیق‌نی سقلش وزیرلیگی نینگ (افغانستان ده پولیو نی یوق ایتیش) بولیمی بوگون ایکس اجتماعی ترماغی‌ده، ایرته (دوشنبه) مملکت نینگ ۲۱ ولایتی جمله دن تخار، قندوز، بغلان، نورستان، کنر، لغمان، کاپیسا، پروان، کابل، ننگرهار، خوست، پکتیا، پکتیکا، غزنی، زابل، ارزگان، قندهار، هلمند، نیمروز و فراه ولایتلریده باشلنیشینی معلوم قیلگن.
بیزلرنینگ فیسبوک صحیفه‌میزگه باش اورینگ!
اوشبو کمپاین ده بیش یاشنی تولدیرمه‌گن باله‌لر اېملنه‌دی.
سرپرست حکومت ساغلیق‌نی سقلش وزیرلیگی بو کمپاین نیچه کونگچه دوام تاپیشی و قنچه باله اېملنیشینی بیللی قیلمه‌گن.
مذکور وزیرلیک اولکه یشاوچیلری دن، باله‌لری فلج بولمسلیگی اوچون پولیو گه قرشی اېملش‌لرینی سۉره‌گن.
اوشبو ییل ده مملکت بویلب باله‌لر فلجی آلتی واقعه‌سی قید ایتیلگن بیرحالده، مملکت نینگ قطار ولایتلریده پولیو گه قرشی اېملش کمپاینی یولگه قوییلیشی گه قرار قیلینگن.
بیزلرنینگ «ایکس» ترماغی ده هم تعقیب قیلینگ!
دنیا بویلب افغانستان و پاکستان، باله‌لر فلجی بوتونلی یوق بولمه‌گن مملکت‌لردن سنله‌دی.
