«افغانستان یاشلر مدنی تشکیلاتی» نینگ مسئوللری بوگون خبری بیر ییغین‌ده، پاکستان افغانستان نینگ خوست و کنر ولایت‌لریده اویوشتیرگن هوای هجوم‌لری و ایران نینگ افغانستان مهاجرلری بیلن قیلگن قوپال مناسبت‌لریدن تنقید قیلیب ایتیشلریچه، دنیا جماعه‌سی بو ایکی مملکت‌نی تحریم قیلیب، ایران و پاکستان نینگ بو کبی هجوملرینی آلدینی آلیشی کیره‌ک.
اوشبو نهاد مسئوللری پاکستان و ایران نینگ افغانستان برابریده قیلگن عملی‌نی ناتوغری و اسلامیت‌گه قرشی عنوان قیلیب، اسلامی امارت دن بو ایکی مملکت برابریده کیسکین عکس‌العمل بیلدیریشی نی سوره‌گنلر.
بیزلرنینگ فیسبوک صحیفه‌میزگه باش اورینگ!
مذکور نهاد رئیسی مصطفی فدایی نینگ ایتیشیچه، پاکستان افغانستان نینگ ۲ ولایتی‌ده اویوشتیرگن هوایی هجومی «افغانستان یشاوچیلریگه قرشی جنایت دیر» و پاکستان عادی اهالینی نشانگه آلمه‌یشی کیره‌ک.
افغانستان مدنی جماعه‌سی تشکیلاتی نینگ رئیسی، دنیا جماعه‌سیدن مذکور ایکی مملکت‌نی تحریم قیلیب، ایران و پاکستان نینگ بو کبی هجوملرینی آلدی آلینیشینی سوره‌گن.
شونینگدیک اوشبو تشکیلات اعضالری ایران و پاکستان مملکت‌لریدن افغانستان ایچکی ایشلریده اره‌لشیشدن قول تارتیب و افغان مهاجرلری بیلن یخشی مناسبت قیلیشلرینی طلب قیلگنلر.
مذکور نهاد اعضالری نینگ ایتیشلریچه، اسلامی امارت مقاملری بو ایکی مملکت بیلن اوشبو قیینچیلیکلرنی دیپلوماسی یول آرقه‌لی حل قیلیشی کیره‌ک.
افغانستان مدنی تشکیلاتی نینگ اعضالریدن بیری سعیده رسولی نینگ ایتیشیچه: «بو نیچه مراتبه دیرکه یقین قوشنی‌لریمیز تامانیدن خیانت صورت تاپه‌دی، اولر نینگ افغان مهاجرلری بیلن قیلگن مناسبتلری انسانیت‌گه قرشی دیر بیزلر نینگ گناه‌سیز باله‌لریمیز اولگن اولر تروریست ایمس ایدیلر.»
بیزلرنینگ توییترده هم تعقیب قیلینگ!
شونده‌ی بیرحالده، اسلامی امارت سوزلاوچیسی نینگ اورین باسری بلال کریمی نینگ ایتشیچه، اسلامی امارت مسئوللری برچه قیینچلیکلرنی دیپلوماتیک یول آرقه‌لی حل قیلیش اوچون سعی و حرکت قیلماقده و هیچ قنده‌ی قیینچیلیک اورته‌گه کیلمه‌گن.
ایتیش کیره‌ک که، پاکستان افغانستان نینگ خوست و کنر ولایت‌لریگه اویوشتیرگن هجومی نتیجه‌سیده ۳۰ کیشی اولیب وبیرقطار کیشیلر یره‌لنگن ایدی. وشونینگدیک اجتماعی ترماقلرده قولمه-قول بولگن ویدیو نوارلرده ایران چیگره کوچلری افغان مهاجرلرینی کلتکلگنلری کوریله‌دی.
