اسلام امیرلیگی تامانیدن ایچکی و خارجی نادولتی موسسه‌لرده عیاللر ایشی توخته‌تیلیشی گه قرشی عکس‌العمل‌لر دوامی‌ده، افغانستان ده اقتصادی وضعیت نینگ یامان‌لنیشی خصوصیده خواطر‌لر کوپه‌یگن دیر.
بلومبرگ نشریه‌سی نینگ اعلام قیلیشیچه، افغانستان ده ایچکی و خارجی نادولتی موسسه‌لرده عیاللر ایشی توخته‌تیلیشی، اوشبو مملکت نینگ بانکروت اقتصادی گه، ییل‌ده بیر میلیارد دالر زیان ییتیشتیره‌دی.
شونده‌ی بیرحالده، اقتصادی مسئله‌لر بیلرمانی و بیلیم یورت اوقیتووچیسی بهمن یوسفی، افغانستان ده اقتصاد وضعیتی‌دن خواطر بیلدیریب و ایتیشیچه، حاضرگی وضعیت‌ده اسلام امیرلیگی دنیا جماعه نینگ انسانی ایسته‌لری نی قبول قیلیشی گه نیاز دیر.
بیزلرنینگ توییترده هم تعقیب قیلینگ!
اونینگ سلام‌وطندار گه ایتیشیچه: «فکرم‌چه افغانستان یاردم‌لر گه اساس‌لنگن. فعالیتی توخته‌گن تشکیلات‌لر نینگ قیته فعالیتی باشلنمه‌گنی صورت‌ده، قیین‌چیلیک چقیشی ممکن. اسلام امیرلیگی رسمی‌لری بو موضوع نی بیلیش‌لری کیرهک و بیزلر دنیا جماعه گه نیازی‌میز بار.»
باشقه تاماندن، بیلیم یورت اوقیتووچیسی بهیر زلاند نینگ ایتیشیچه، حکومت اهالی نیازلری گه توجه قیلیب و خلق‌ارا تشکیلات‌لر فعالیتی توخته‌یشی اوچون بیر بدیل ارائه قیلیش‌لری کیرهک.
شونینگدیک اقتصادی بیلرمان‌لردن جبار صافی نینگ ایتیشیچه، دنیا جماعه‌سی عیاللر ایشی توخته‌یشی نی جدی توتیب و اسلام امیرلیگی رهبرلریدن خلق‌ارا موسسه‌لر بیلن تفاهم و تعامل قیلیش‌لری کیرهک.
بیزلرنینگ فیسبوک صحیفه‌میزگه باش اورینگ!
عین حالده، اقتصاد وزیرلیگی سوزلاوچیسی عبدالرحمان نینگ ایتیشیچه، خارجی تشکیلات‌لر افغانستان نینگ ایچکی قانون-قاعده‌لری نی رعایت قیلیب و انسان‌پرورلیک یاردملری نی سیاسی قیلمه‌یشلری کیرهک.
«حاضرگی اقتصادی وضعیت، سونگی نیچه ییل جریانی‌ده‌گی ایچکی و خارجی عوامل‌لر یوز‌یدن دیر. دنیا جماعه نینگ چیکلاو‌لری افغانستان ده اقتصادی قیین‌چیلیک‌لر گه سبب بولگن و خارجی تشکیلات‌لر افغانستان نینگ ایچکی قانون‌لری گه تابع بولیش‌لری کیرهک و شونینگدیک یاردم‌لر نی سیاسی قیلمه‌یشلری کیرهک.»
ایتیش کیرهک که، خارجی و ایچکی نادولتی موسسه‌لرده عیاللر ایشی توخته‌تیشی قراری گه قرشی عکس‌العمل‌لر دوامی‌ده، افغانستان ده موسسه‌لردن قطاری اوز فعالیتی نی توخته‌تگن و اوشبو پروسه نینگ دوام قیلگنی صورت‌ده، یاردم بیرووچی نهاد‌لردن باشقه نهاد‌لر هم، افغانستان گه یاردم بیرووچی پروسه‌لری نی قیته کوریب چیقیش‌لری ممکن.
