انترنیوز، یونیسکو و خبرچیلر خوفسیزلیگی نی تأمین قیله‌دیگن کمیته کبی سوز ایرکین‌لیگی توغریسیده فعالیت قیلیب کیلگن رسانه‌لردن قطاری، افغانستان ده خبرچیلر خوفسیزلیگی تأمین‌لنیشی نی سوره‌گن.
یونیسکو عمومی باشلیغی ادری ازولای نینگ ایتیشیچه، خلق‌ارا معیارلر و انسان حقلری اساسیده، سوز ایرکین‌لیگی و خبرچیلرنینگ خوفسیزلیگیدن ایشانچ بیریلیشی کیره‌ک.
یونیسکو نینگ ایتیشیچه، سوز ایرکین‌لیگیدن حمایت قیلیش و افغانستان یشاوچی‌لری معلومات گه قول تاپیشی خصوصیده متعهد دیر و بو نهاد افتخار قیله‌دی که اوتگن ایکی دهه‌ده تورلی و مسلکی رسانه‌لرنینگ رواجلنتیریش و کینگه‌یتیریش گه شرکت قیلگن. بو رسانه‌لر ایسه زوروانلیک و تهدید دورانیده فداکارلیک بیلن اهالی گه معلومات ییتکیزگن.
بیزلرنینگ فیسبوک صحیفه‌میزگه باش اورینگ!
یونیسکو نینگ معلوماتی اساسیده، یالغیز جاری ییل ده ۷ خبرچی که ۴ ته‌سی قیز ایکن وظیفه جریانیده هلاک ایتیلگن. بو نهاد نینگ تأکید قیلیشیچه، یوتوقلر ناتمام قالمه‌ی و خبرچی عیاللر تقدیرنی توزته‌دیگن فعالیت‌لرگه دوام بیریش‌لری کیره‌ک. بو بیانیه نی اخیری ده اشاره قیلینگن که خبرچیلرگه هیچ قندی تهدید و انتقام متوجه بولمه‌سی کیره‌ک.
یونیسکو اوتگن ۲۰ ییل ده ینگی قانون‌گذارلیک چارچوبه‌سی ایجاد ایتیش بولیمی، رسانه‌لرنینگ رواجله‌نیشی و کینگه‌یشی، خبرچیلیک نی تعلیمات بیریش یخشی‌لنیشی و باشقه بولیم‌لرده همکارلیک قیلگن.
باشقه بیر تاماندن خبرچیلرنینگ خوفسیزلیگی نی تأمین قیله‌دیگن کمیته نینگ ایتیشیچه، طالبان تیزلیککه آزارلنتیریش و خبرچیلرگه قرشی هجوم قیلیشدن قول تارتیش‌‌لری کیره‌ک و شونینگدیک عیال خبرچیلر و رسانه‌لرگه بوتون و ایرکین شکلده فعالیت قیلیش‌لریگه رخصت بیریلیشی کیره‌ک.
قطار گزارشلر اساسیده، طالبان ۱۵- آگست دن حاضرگچه ملی رادیو و تلویزیون نینگ کمیده ایکی خبرچیسی نی فعالیتی گه توسیق بولگن و ننگرهارده اعتراض نی پوشش بیره‌دیگن ایکی خبرچی گه هجوم قیلگن.
