افغانستان خبرچیلر دادخواه‌لیک کمیته‌سی، خبرچیلر آتیدن فایده‌لنیش دوامیدن خواطر بیلدیره‌دی. بوگون کابل ده مطبوعاتی ییغین اوتکزگن بیرقطار خبرچیلر نینگ ایتیشلریچه، میدیالردن حمایت قیلووچی نهادلر خبرچیلر آتیدن ناتوغری فایده‌لنیب و کوپ پول آله‌دیلر، بیراق اوشبو پول‌لر اقتصادی قیینچلیک بیلن روپه‌ره بولگن خبرچیلر گه توزیع بولمه‌گن.
خبرچی‌لردن بیری مبین موحد نینگ ایتیشیچه، سونگی کون‌لرده اجتماعی ترماق‌لرده ترقه‌لگن رویخط، افغانستان ایرکین ژورنالیست‌لر انجمن باشلیغی حجت‌الله مجددی، تجربه‌سی بولمه‌گن ژورنالیست‌لرنی باشقه اولکه‌لر گه انتقال بیریش اوچون خارجی بیر نهاد گه تانیشتیرگنینی کورسته‌دی؛ عین‌حالده بو ایش قانون گه قرشی دیر.
بیزلرنینگ فیسبوک صحیفه‌میزگه باش اورینگ!
مذکور خبرچی نینگ کوپه‌یتیریشیچه: «خبرچی‌لرنی حمایت قیلووچی نهادلر، ژورنالیست‌لر آتیدن فایده‌لنیب و کوپ پول‌نی تالان_تاراج قیلگن؛ بیراق اولر نینگ بیرقطاری عایله اعضالری و قوم‌لری بیلن مملکت نی ترک ایتگنلر. عین‌حالده بیز حاضر افغانستان ده میز و قیین شرایط ده ایشله ماقده‌میز.»
عین‌حالده، افغانستان ایرکین ژورنالیست‌لر انجمن باشلیغی حجت‌الله مجددی، اوشبو مکتوب‌نی ساخته دیب ایتیشیچه: «خبرچیلر و ایرکین سوزدن حمایت قیلووچی ژورنالیست‌لر انجمنی برابری ده توطئه بولگن. بو کیم تامانیدن بولگنینی تیکشیرماقده میز. بو توغریده تدقیقات بولگن تقدیرده، بونده‌ی ایش بولمه‌گنی انیقلنه‌دی.»
باشقه تاماندن، خبرچی‌لردن باشقه بیرقطاری، خبرچی‌لرنی مملکت دن انتقال بیریش جریانی ده قلابکارلیک بولگن و نهادلر واقعی ژورنالیست‌لر کیم‌لیگیدن فایده‌لنیب و باشقه کیشی‌لرنی افغانستان دن چیقریشگن.
خبرچی‌لردن بولمیش مریم هوتک نینگ ایتیشیچه: «خبرچیلر آتیده ایشله‌گن نهادلردن، کمیسیون ایجاد قیلگنلردن و پول قولگه کیریتگن‌لردن یا ده باشقه‌لرنی خارج گه انتقال بیرگن‌لردن، حق‌نی مستحق کیشی گه بیریش‌لرینی ایسته‌یمیز. واقعی خبرچیلر اورنیده، باشقه‌لر خارج گه انتقال بیریلگن.»
بیزلرنینگ توییترده هم تعقیب قیلینگ!
خبرچیلر، میدیالردن حمایت قیلووچی نهادلردن ژورنالیست‌لر آتیدن فایده‌لنیش جریانی گه چیک قوییش‌لرینی سوره‌یدیلر. شونینگدیک اولر خلق‌ارا نهادلردن، افغانستان ده‌گی میدیالردن حمایت قیلووچی نهادلردن حمایت ایتمسلیکلرینی طلب قیله‌دیلر.
اسلامی امارت حاکم بولیشیدن کیین، ضرر کوره‌دیگن کیشی‌لرنی مملکت دن تشقری انتقال بیریش جریانی باشلندی؛ عین‌حالده اوشبو جریان ده قلابکارلیک بولیشی تیلگه آلینماقده.
