اوشبو کونلرده افغانستان ایرکین خبرچیلر انجمنی نامیده اجتماعی ترماقلرده بیر مکتوب ترقه‌لگن که اوشبو مکتوب اساسیده، تهدید آستیده بولیب و مملکت‌دن چیقیش نیتی بولگن بیرقطار کیشیلر، خبرچیلردن حمایت قیلووچی خلق‌ارا بیر نهاد گه تانیشتیریلگن.
بیزلرنینگ فیسبوک صحیفه‌میزگه باش اورینگ!
اوشبو نهاد مسئوللری اجتماعی ترماقلرده ترقلگن مکتوب‌نی رد قیلسه‌لرده، بیراق شو بیلن هم بو موضوع خبرچیلر نینگ جدی تنقیدلریگه روپه‌ره بولگن.
افغانستان ایرکین خبرچیلرانجمن رئیسی حجت‌الله مجددی، سلام‌وطندار بیلن اوتکزگن صحبتیده ایتیشیچه:« بیز خبرچیلر اویوشمه‌سی نامیدن سوء استفاده قیلگن کیشیلرنی تاپیش اوچون سعی و حرکت قیلماقده میز. شو کونلرده اونلرچه ساخته مکتوب اسلامی امارت نامیدن اجتماعی ترماقلرده قولمه- قول بوله‌دی حتا حکومت هم بو توغریده قیینچیلیک بیلن روپه‌ره دیر.»
شونده‌ی بیرحالده، خبرچیلردن قطاری خبرچیلر نامیدن فایده‌لنیش پروسه‌سی نینگ دوام تاپگنیدن تنقید قیلیب ایتیشلریچه، نهاد‌لردن قطاری فرصت طلب کیشیلر تامانیدن ایجاد بولگن.
باشقه بیر تامانیدن، ژورنالیست‌لر فدراسیونی و افغانستان رسانه‌یی نهاد‌لری، خبرچیلر نامیدن فایده‌لنیش‌نی خواطرلی عنوان قیلیب، بو کبی نهاد‌لر فعالیت‌لریگه توسیق بولیش‌لری نی ایسته‌گنلر.
رسانه‌یی نهاد‌لر و ژورنالیست‌لر فدراسیون عضوی علی اصغر اکبرزاده، معلومات و مدنیت وزیرلیگی‌دن، مملکت خبرچیلری نینگ نامیدن فایده‌لنه‌دیگن نهاد‌لر نینگ آلدینی آلیشلرینی ایسته‌یدی.
بیزلرنینگ توییترده هم تعقیب قیلینگ!
بو بیرینچی مراتبه ایمس دیر که خبرچیلر نامیدن فایده‌لنیش خصوصیده شکایت و تنقید بولگن، بلکیم بوندن آلدین هم خبرچیلر بو توغریده شکایت بیلدیرگن‌لر.
شونینگدیک خبرچیلر اوچون کیلگن امتیازلر و یاردم‌لر باشقه کیشیلر و نهاد‌لر تامانیدن حیف و میل بولیشی خصوصیده هم خواطرلر موجود دیر.
