افغانستان «خبرچی‌لری خودجوش دادخواه‌لیک کمیته» نینگ ایتیشیچه، سابق دولت قوللشی و مملکتده اسلامی امارت حاکم بولیشیدن کیین خبرچی‌لرنی چیقاریش پروسه باشلندی، لیکن اوشبو پروسه مدیریتیده «فساد و قلابکارلیک» بولگن.
مذکور کمیته اعضالری نینگ ایشانچی گه کوره، افغانستان بویلب ژورنالیست‌لر کینگشی باشلیغی حفیظ‌الله بارکزی، خبرچی‌لر آتیدن فایده‌لنیب عایله اعضالری و قرینداش‌لرینی افغانستان‌دن چیقارگن.
بیزلرنینگ فیسبوک صحیفه‌میزگه باش اورینگ!
بوگون کابل‌ده مطبوعاتی ییغینده اشتراک ایتگن افغانستان خبرچی‌لری خودجوش دادخواه‌لیک کمیته عضوی مبین موحد نینگ ایتیشیچه، چیقاریش پروسه‌ده فساد بارلیگیگه علاوه، میدیالردن حمایت قیلووچی نهادلر، افغان خبرچی‌لری آتیده خلق‌ارا نهادلردن پول آلگن‌لر، بیراق اوشبو پول‌لرنی مستحق خبرچی‌لر گه توزیع قیلیشمه‌گن.
اونینگ کوپه‌یتیریشیچه: «جناب بارکزی قریب ۱۵۰ نفرنی خبرچی‌لر آتیده لیست قیلگن ایدی، زحمت چیکیب تلاش قیلگنلر اورنیده قصاب و مستری لیست گه آلینگندی. اوتگن ۲۰ ییل‌ده خبرچیلردن حمایت قیلووچی نیچه کمیته بار ایدی، بیز اوچون هیچ بیر ایش قیلگنی یوق.»
مذکور کمیته اعضالری، خبرچی‌لر آتیدن فایده‌لنیش توخته‌تیلیب و خبرچی‌لر حقی بوندن آرتیق تلف بولمسلیگینی تأکید ایتگن‌لر.
افغانستان بویلب ژورنالیست‌لر کینگشی باشلیغی حفیظ‌الله بارکزی، خبرچی‌لر خودجوش کمیته نینگ بیانات‌لرینی شایعه دیب ایتیشیچه، خبرچی‌لرنی مملکت‌دن تشقری چیقاریش جریانی، جمهوریت تیزیمی قوللشیدن آلدین باشلنگن ایدی.
بیزلرنینگ توییترده هم تعقیب قیلینگ!
عین‌حالده افغانستان ژورنالیست‌لر فدراسیونی و میدیالر نهادلری، خبرچی‌لر آتیدن فایده‌لنیشنی تصدیقلب ایتیشیچه، بو گَل ایشلرنی آلدینی آلیش اوچون تلاش قیلماقده‌لر.
بو، خبرچی‌لر آتیدن فایده‌لنیش خصوصیده ترقه‌لگن بیرینچی گزارش ایمس. بوندن آلدین خبرچی‌لر، اولرنینگ آتیدن فایده‌لنیب و حقلری تلف بولیشی خصوصیده اعتراض قیلیب و خلق‌ارا نهادلر بوتوغریده دقت قیلیش‌لرینی طلب قیلگن ایدیلر.
