چیگره تانیمس گزارش‌گرلر تشکیلاتی، ینگی گزارشی‌ده افغانستان خبرچی‌لری برابری‌ده تهدیدلر دوام ایتیشیدن خواطر بیلدیریب ایتیشیچه، سونگی ایکی آی‌ده، خبرچیلر نینگ «اوز باشیمچه‌لیک» قولگه آلینیشی کوپه‌یگن.
مذکور تشکیلات گه کوره، اسلامی امارت قدرت‌نی قولگه آلگندن بویان خبرچیلر و میدیا ایشلاوچیلری گه قرشی کمیده ۵۰ مورد رویخط گه آلینگن که ایریم پیت‌لر زوروانلیک واقعه‌لری قید ایتیلگن.
چیگره تانیمس گزارش‌گرلر، ژورنالیست لر برابریده‌گی تهدیدلر و اسلامی امارت استخباراتی و امر معروف و نهی منکر وزیرلیگی نینگ میدیالر ایشلری گه اره له‌شیش‌نی میدیا قانون قاعده‌لری گه قرشی دیب قاره له‌گن.
بیزلرنینگ فیسبوک صحیفه‌میزگه باش اورینگ!
عین‌حالده، ژورنالیست‌لر خلق‌ارا فدراسیونی بیر اعلامیه ترقه‌تیب، افغانستان بویلب میدیا ایشلاوچیلری حبس‌گه آلینیشی و اولدیریلیش واقعه‌لری کوچه‌یشینی، سوز ایرکین لیگی و ژورنالیست‌لر اذیت بولیشی برابری‌ده اسلامی امارت نینگ بی فرق لیگی عنوان قیلگن.
اعلامیه ده کیلیشیچه، ۲۰۲۱-ییل آگست آی‌دن حاضرگچه افغانستان بویلب ۳۱۸ میدیا فعالیت‌دن قالگن.
عین‌حالده، اسلامی امارت حاکمیتیدن آلدین فعالیتی بولگن بیش مینگ ۹۶ خبرچی‌دن، حاضر یالغیز ایکی مینگ ۳۳۴ کیشی ایشله‌یدی.
مذکور فدراسیون اسلامی امارت‌دن، «افغانستان میدیالرینی حقارت لش‌گه» چیک قوییشینی طلب قیلگن.
شونینگدیک، اسلامی امارت خبرچیلر و ییتکیرمه‌لر وضعیتی گه دایر خواطرلر گه عکس العمل کورسه‌تیب ایتیشیچه، بو حکومت میدیالرنینگ ایرکین لیگیگه متعهد دیر و ییتکیرمه‌لر برابریده‌گی توسیق‌لرنی برطرف قیلیش اوچون سعی-حرکت قیلماقده.
بیزلرنینگ توییترده هم تعقیب قیلینگ!
اسلامی امارت سوزلاوچیسی ذبیح‌الله مجاهد توییتری‌ده یازیشیچه، میدیالر طرف سیز، دینی و ملی ارزش لرگه حرمت قایل بولیب و میدیالر قاعده‌لری گه بناً عمل قیلیش لری کیره‌ک. اونینگ اورغولشیچه، بو توغریده‌گی گزارش‌لر و تشویش لرنی تیکشیرماقده‌لر.
بو خواطرلیک‌لر عین‌حالده آچیقلنماقده که میدیالر و ژورنالیست‌لر نینگ قوللب قوتلاوچی جمغرمه‌لر سونگی نیچه آی‌ده، افغانستان ده میدیالر و سوز ایرکین لیگیگه قرشی یره‌تیلگن چیکلاولر و اولرنی سرکوب قیلیش سعی-حرکت‌لرنی محکوم قیلیب و اونی بشر حقوقی‌نی بوزیش عنوان قیلگن‌لر.
