آریانانیوز خصوصی تلویزیونی نینگ سیاسی برنامه‌لر مجریسی وارث حسرت و اقتصادی گزارشگری اسلم حجاب، اوتگن کونی توشدن کیین، کابل شهریده مذکور رسانه نینگ ایشیگیدن اسلامی امارت استخبارات کوچلری تامانیدن قولگه آلینگن. مذکور ایکی خبرچیلر نینگ قولگه آلینگنی، ایچکی و خلق ارا و خبرچیلر و رسانه‌لردن حمایت قیلووچی نهادلر نینگ عکس‌العمللری گه سبب بولگن.
افغانستانده بیرلشگن ملتلر تشکیلاتی نینگ اورین‌باسرلیک هیأت دفتری یا_ده یوناما، افغانستانده سوزایرکینلیگی و رسانه‌لر گه قرشی یره‌تیلگن چیکلاولر حقیده خواطر بیلدیریب، اسلامی امارت‌دن آریانا نیوز ایکی خبرچیسی نینگ قولگه آلینگن سببی نی بیللی بولیشی نی سوره‌گن. یوناما نینگ بوگون توییتر صحیفه‌سیده اورغولشیچه، اسلامی امارت افغانستان یشاوچیلری نینگ حقلریگه حرمت قایل بولیشی کیره‌ک.
شونده‌ی بیرحالده، خلق‌ارا کیچیریم تشکیلاتی اسلامی امارت استخبارات کوچلری تامانیدن آریانانیوز ایکی خبرچیسی نینگ قولگه آلینگنی نی «خودسرانه» دیب و اولر نینگ قویب یوباریشلری نی سوره‌گن. اوشبو تشکیلات نینگ توییتر صحیفه‌سیده یازیشیچه، رسانه‌لر نینگ آزادی‌سی گه قرشی هجوملر، سوزایرکینلیگی برابریده جدی تهدید دیر.
بیزلرنینگ فیسبوک صحیفه‌میزگه باش اورینگ!
خلق ارا کیچیریم نینگ بیان قیلیشیچه، اسلامی امارت تیزلیککه قید‌سیز و شرط‌سیز بیرشکلده آریانانیوز خبرچیلری نینگ قوییب یوباریشی کیره‌ک. بو تشکیلات توییتی دوامی یازیشیچه، اوتگن هفته اسلوده غربی مملکت‌لردن قطاری بیلن افغانستانده انسان‌دوستلیک وضعیت حقیده اوچره‌شیلگن بیرحالده، اسلامی امارت اعتراضچیلر، انسان حقوقی مدافعه‌لری و خبرچیلر نینگ قولگه آلیش گه دوام بیرماقده.
خلق ارا کیچیریم تشکیلاتی نینگ اورغولشیچه: «خلق ارا جماعه‌سی اسلامی امارت‌دن انسان حقلری توغریسیده نقض نی یکولنتیریب و اولر نینگ جوابگو سقله‌شی کیره‌ک.» افغانستان آزاد رسانه‌لریدن حمایت‌قیلووچی نهاد یا_ده نی، قولگه آلینگن ایکی خبرچی نینگ قویب یوباریشلری نی سوره‌گن.
شونینگدیک سوزایرکینلیگی اویی اسلم حجاب و وارث حسرت نینگ قولگه آلینگنی نی سوز ایرکین‌لیگی و انسان حقلری گه قرشی دیب و اسلامی امارت‌دن اولر نینگ تیزللیکه آزاد قیلیب و بوندن آرتیق سوزایرکینلیگی نی سرکوب قیلمه‌یشلری نی سوره‌گن. شونینگدیک بو نهاد دنیا جماعه‌چیلیک و سوزایرکین‌لیگی‌دن حمایت قیلووچی نهادلردن، افغانستان خبرچیلری و رسانه‌لری نینگ سرکوب بولیشی نینگ آلدی نی آلیشلری نی سوره‌گن.
بیزلرنینگ توییترده هم تعقیب قیلینگ!
خبرچیلردن قطاری شونینگدیک حاضرگی وضعیت‌دن خواطر بیلدیریب ایتیش‌لریچه، رسانه‌لر نینگ آزادلیگی اسلامی امارت حاکمیتی‌ده آز دیر و اولر بو رقم قیین بیر وضعیت‌ده ایش قیله‌دیلر.
شونده‌ی بیرحالده، افغانستان ژورنالیستلر فدراسیون اعضاسی میرعلی اصغر اکبرزاده اسلامی امارت مسئوللریدن، اسلامی امارت نینگ قیزیل چیزیغی نیمه بولگنی نی خبرچیلر گه بیللی قیلیش اوچون درست بیر طرز‌العمل تیار قیلیشلری نی سوره‌گن.
حاضرگچه مذکور ایکی خبرچی نینگ قولگه آلینگن دلیلی بیللی ایمس و اسلامی امارت رسمی‌لری بو توغریده هیچ بیر نرسه دیمه‌گن. اوشبو ایکی خبرچی نینگ قولگه آلینگنی خصوصیده، اسلامی امارت سوزلاوچیلری نینگ فکرلری نی آلیش ایسته‌دیک؛ بیراق اولر بیزلر نینگ قونقیراغلریمیز گه جواب بیرمه‌دیلر.
