آریانانیوز تلویزیونی نینگ سیاسی برنامه‌لر مجریسی وارث حسرت و اقتصادی گزارش‌گری اسلم حجاب، اوتگن کونی توش‌دن کیین آریانانیوز ایشیگی یقینیدن اسلامی امارت استخبارات کوچلری تامانیدن قولگه آلینگن‌لر.
مذکور ژورنالیست‌لر حبس‌گه آلینیشی ایریم عکس‌العمل‌لرگه سبب بولگن. سوز ایرکین‌لیگی اویی، اسلامی امارت حربی کوچلری تامانیدن آریانانیوز خبرچی‌لری قولگه آلینیشینی محکوم قیلیب و اونی دنیا، بشری حقوق و سوز ایرکین‌لیگی قاعده‌لری گه قرشی عنوان قیلگن.
مذکور نهاد اسلامی امارت‌دن، اوشبو خبرچی‌لرنی تیزلیک بیلن قویباریب و سوز ایرکین‌لیگینی بوندن آرتیغ ایاغ آستی قیلمسلیگینی طلب قیلگن.
بیزلرنینگ فیسبوک صحیفه‌میزگه باش اورینگ!
سوز ایرکین‌لیگی اویی نینگ بیاناتی اساسیده، مذکور ژورنالیست‌لرنینگ حبس‌گه آلیش سببی حاضرگچه انیقلنمه‌گن و آریانانیوز تلویزیونی همده حسرت و حجاب عایله‌لری اولرنینگ تقدیری‌دن خبرلری یوق.
بو نهاد سوزایرکین‌لیگی حامی‌لری و دنیا جماعه‌چیلیگی‌دن، افغانستان ده‌گی ییتکیرمه‌لر و ژورنالیست لرنینگ سیستماتیک سرکوب ایتیلیشی آلدینی آلیشینی سوره‌گن. شونینگدیک بیرلشگن ملت‌لر تشکیلاتی و اروپا اتفاقی و میدیالرنی قوللب قوتلاوچی باشقه اداره‌لردن اسلامی امارت نینگ بو گَل ایشینی محکوم قیلیش لرینی سوره‌ب ایتیشیچه، مذکور نهاد بیلن آریانانیوز خبرچی‌لری نینگ قماق‌دن آزاد قیلیش اوچون همکار بولیش لری کیره‌ک.
بیزلرنینگ توییترده هم تعقیب قیلینگ!
عین‌حالده افغانستان اسلامی امارت قدرت‌نی قولگه آلیشی بیلن، میدیالر و ژورنالیست لرنی قوللب قوتلاوچی اداره‌لر هردایم ییتکیرمه‌لرگه یره تیلگن چیکلاولردن خواطر بیلدیریب ایتیشلریچه، خبرچی‌لر ایریم قیینچیلیک‌لر و زوروانلیک‌لرگه روپه‌رو دیر.
