چیگرهسیز گزارشگرلر تشکیلاتی، ترقهتگن ییللیک گزارشلریده اعلام قیلگن که، افغانستان ۲۰۲۱- میلادی ییلده خبرچیلر اولیمی بوییچه ایکینچی مملکت دیر.
بو تشکیلات ایتیشیچه، جاری میلادی ییل ده خبرچیلر نینگ افغانستان ده ۶ قتل واقعهسی و مکسیکو ده ۷ واقعه قید ایتیلیشی بیلن ایکینچی اورین ده توره دی. هند و یمن اوشبو رویخط ده خبرچیلرنینگ ۴ قتل واقعهسی بولگنی سبب اوچینچی اورین ده توره دی.
بیزلرنینگ فیسبوک صحیفهمیزگه باش اورینگ!
گزارش ده کیلیشیچه ۲۰۲۱ میلادی ییل ده، دنیا ده ۴۶ خبرچی قربان بولگن که اوتگن ۲۰ ییل گه قرهگنده خبرچیلر نینگ قتل واقعهسی کمهیگن، بیراق قول گه آلینگن و قماققه آلینگن خبرچیلر و رسانه ایشلاوچیلر سانی بیلن ۴۸۸ وقعه که اینگ کوپ واقعه دیر، رویخط گه آلینیشی بیلن اوتگن ییل گه قرهگنده ۲۰ فایز کوپهیگنی نی کورستهدی.
شونینگ دیک اوتگن ییل، چیگرهسیز گزارشگرلر تشکیلاتی، خبرچیلر خصوصده تیارلهگن رویخطی ده افغانستان ده ۵ قتل واقعهسی قید ایتیلیشی بیلن، افغانستان نی خبرچیلر اولیمی بوییچه بیش مملکت جملهسیدن سنهگن ایدی.
بوعین حالده، افغانستانده اسلامی امارت قدرت گه یتیشگنی دن سونگ، خبرچیلر، اوزلری برابری ده زوروانلیکلر کوپهیگنی دن خواتیر بیلدیرگنلر، و سونگی اوچ آی جریانیده خبرچیلردن اونلرچهسی مملکت نی ترک قیلگن.