چیگره‌سیز گزارشگرلر تشکیلاتی بیر بیانیه ترقه‌تیب ایتیشیچه، مذکور تشکیلات افغانستان ده ضرر کوره‌دیگن خبرچیلرنینگ چیقاریلیشی خصوصیده اونلرچه ایسته‌ک قولگه کیلتیرگن.
مذکور تشکیلات آمریکا جمهوررئیسی جو بایدن دن، افغانستان ده ضرر کوره‌دیگن خبرچیلرنینگ چیقاریش خصوصیده خاص بیر ریجه تیارلب و اولرنینگ چیقاریلیشی گه زمینه یره‌تیشی نی سوره‌گن.
بو تشکیلات بیانیه‌سیده کیلیشیچه، آمریکا یالغیز اوز یشاوچیلری اوچون خواطرگه دیر و بو مملکت اوز یشاوچیلری و سابق ایشلاوچی‌لری نینگ چیقاریش اوچون کوپ حرکت قیله‌دی که بو ایش ضرر کوره‌دیگن کیشیلر و خبرچیلرنینگ اوچاققه قول تاپه آلمه‌سلیگی گه سبب بولگن.
بیزلرنینگ فیسبوک صحیفه‌میزگه باش اورینگ!
چیگره‌سیز گزارشگرلر تشکیلاتی نیچه کون آلدین توییتر صحیفه‌سیده یازیشیچه، طالبان خبرچیلر و اولرنینگ عایله‌لردن قطاری نینگ تهدید قیلگن.
یونسکو و شونگه اوخشه‌گن نهادلر اوتگن کون، افغانستان ده خبرچیلر و سوز ایرکین‌لیگی نینگ خوفسیزلیگی رعایت ایتیلیشی نی سوره‌دی.
باشقه بیر تاماندن طالبان گروهی سوزلاوچیسی ذبیح‌الله مجاهد، اوتگن کون توییتر صحیفه‌سیده یازیشیچه، طالبان کابل ده رسانه‌لرنینگ قیینچلیک‌لرینی حل قیلیش اوچون اوچ کیشی‌لیک بیر کمیته ایجاد قیلگن.
اونینگ یازیشیچه، مذکور کمیته گه فرهنگی کمیسیون نینگ بیر اعضاسی، خبرچیلر و رسانه‌لر نهادلری فدراسیونی نینگ بیر اعضاسی و کابل ولایتی بوییچه طالبان قومندانلیگی نینگ بیر اعضاسی شامل دیر.
