افغانستان عالم‌لر بویوک ییغینی بوگون (پنجشنبه، ۹-سرطان)، اسلامی امارت تامانیدن دولتی بولمه‌گن رسانه‌لر نینگ حضورسیزلیگی‌ده باشلندی. خبرچیلردن قطاری اسلامی امارت نینگ اوشبو اقدامی‌دن تنقید‌لب و ایتیش‌لریچه، اولر گه گزارش توزه‌تیش اوچون رخصت بیریلمه‌گن.
خبرچیلردن بیری سهیلا یوسفی، اوشبو ییغین گه اسلامی امارت تامانیدن رخصت بیریلمه‌گن خصوصیده شکایت قیلیب و اوشبو اقدام نی سرپرست حکومت نینگ معلومات بیریش ایرکین‌لیک پروسه‌سی گه ایشانچ‌سیزلیگی دیگن.
بیزلرنینگ توییترده هم تعقیب قیلینگ!
اونینگ ایتیشیچه: «اسلامی امارت حکومتی‌ده لویه جرگه تالاریده باشلنگن دین عالم‌لر نینگ بیرینچی ییغینی دیر، بیراق اوشبو ییغین گه رسانه‌لر باریب معلومات بیریش‌لری لازم بولگنی بیرحالده، رسانه‌لر گه رخصت بیریلمه‌گن و بو اوزی معلومات بیریش خصوصیده چیکلاو یره‌تیش دیر.»
شونینگدیک خبرچیلردن باشقه بیری مدون غفور نینگ ایتیشیچه، عالم‌لر ییغینی گه خبرچیلر نینگ حضورسیزلیگی، اهالی نینگ ملی پروسه‌لر و ییغین‌ده‌گی قرارلردن اوزاق توخته‌تیش دیر. اونینگ کوپه‌یتیریشیچه، اهالی اوشبو ییغین خصوصیده معلومات آلیش نی ایسته‌یدی و خبرچیلر گه رخصت بیریلمه‌گن صورت‌ده، اهالی هم ملی بیر پروسه‌دن بی‌خبر قاله‌دی.
باشقه بیر تامان‌دن، رسانه‌لردن حمایت قیلووچی نهاد‌لر مسئوللری اسلامی امارت نینگ اوشبو عملی‌دن تنقید‌لب، حکومت تامانیدن معلومات گه قول تاپیش اوچون رسانه‌لر گه قانون اساسیده زمینه یره‌تیلیش نی ایسته‌دیلر.
بیزلرنینگ فیسبوک صحیفه‌میزگه باش اورینگ!
افغانستان رسانه‌یی نهاد‌لر و ژورنالیست‌لر فدراسیون رهبرلیک عضوی سیدعلی اصغر اکبرزاده، اسلامی امارت سرپرست حکومت نینگ رفتاری نی نادرست دیگن. اونینگ اورغولشیچه، یشاوچیلر بو کبی ییغین‌لردن آگاه بولیش‌لری کیره‌ک و بو اهالی نینگ حقی دیر.
افغانستان عالم‌لر بویوک ییغینی بوگون کابل ده، ۳۵۰۰ کیشی گه یقین دین عالم‌لر و قوم بویک‌لری نینگ حضوری بیلن لویه جرگه‌ده باشلندی. اوشبو ییغین ایکی کونگچه دوام تاپیب و حکومت‌دارلیک و اجتماعی مسئله‌‌لر خصوصیده صحبت اوتکزیلیشی ممکن.
