افغانستان طالبان قولیگه سقوط قیلگنیدن سونگ و اوشبو گروه بیرقطار چیکلاو یره‌تگنی باعث، خبرچیلر و مدنی فعال‌لردن بیرقطاری کابلده اعتراضی بیر یغیین یولگه قوییب وضعیت یمان بولگنیدن خواطر بیلدیرگنلر.
خبرچیلرنینگ ایتیش‌لریچه، مملکت طالبان قولیگه سقوط قیلگنیدن سونگ، خبرچیلر بیرقطاری طالبان تامانیدن قیناققه سالینگن، باشقه بیرقطاری ایسه گزارش تیارله‌دیگن پیت‌ده تهدید ایتیلگن.
شونینگدیک، خبرچیلرنینگ کوپه‌یتیریش‌لریچه، بیرقطار کیشی‌لر ساخته حجت توزه‌تیش بیلن خبرچیلر اورنیده مملکتدن چیقگن‌لر.
خبرچی‌لری چیککه‌سیده، مدنی فعاللر هم طالبان تامانیدن چیکلاو یره‌تیلگنیدن خواطر بیلدیرگنلر. مدنی فعاللرنینگ ایتیش‌لریچه، طالبان حکومتیده عیال‌لر نینگ سابق کبی ایشلریگه دوام بیریش‌لری ناممکن دیر.
مدنی فعال‌لردن بیری ترنم سعیدی، باشقه بیرقطار مدنی فعاللر بیلن مملکتدن چیقیش‌نی ایسته‌یدی. اونینگ ایتیشیچه، افغانستاندن چیقیش اوچون رسمی و ایشانچلی حجت‌لر ارایه قیلگنلر، لیکن اولر نینگ سوزلریگه دقت قیلینمه‌گن.
خبرچیلر و مدنی فعاللر خلق ارا جماعه‌سیدن افغانستاندن چیقیش‌لری اوچون اولرگه یاردم بیریشی‌نی سوره‌گنلر.
