بوگون “دوشنبه” افغانستان خبرچیلری نینگ مصونیت کمیتهسی بیر اعلامیه ترقهتیب، سونگی هفتهلرده خبرچیلرگه قرشی زوروانلیکلرنینگ کوپهیگنیدن کوپ خواطر بیلدیرگن. اوشبو کمیته نینگ اعلامیهسیگه کوره، اوتگن بیر هفته جریانیده خبرچیلر برابریده نیچه زوروانلیک واقعه قید ایتیلگن.
افغانستان خبرچیلری نینگ سقلش کمیتهسیگه کوره، خبرچیلرگه قرشی زوروانلیکلرنینگ کوپهیگنی، افغانستان میدیا و خبرچیلریدن حمایت قیلووچی نهادلرنی خواطرلنتیرگن. اوشبو نهاد نینگ ایتیشیچه، جاری ییل نینگ اکتبر آیی اداغیده یالغیز کابلده خبرچیلرگه قرشی ۴ زوروانلیک واقعه قید ایتیلگن.
افغانستان خبرچیلرینی سقلش کمیتهسی نینگ ایتیشیچه، راه فردا تلویزیونی نینگ خبرچیسی حسین احمدی، لوگر ولایتیده محلی بیر رادیو مدیری زاهدالله حسینخیل، خامهپرس نینگ خبرچیسی عبدالخالق حسینی و سیمای ایران ترماق نینگ کمرهمینی علیرضا سونگی هفتهلرده زوروانلیک آستیگه قرار بیریلگن خبرچیلردن دیر.
مذکور کمیته گه کوره، کم بغللیک و ایشسیزلیک سبب، «مشرانو جرگه» تلویزیونی نینگ فنی ایشلاوچیسی خودکشلیک قیلگن. مشرانو جرگه تلویزیونی نینگ فنی ایشلاوچیسی اوتگن هفته فقر و قشاقلیک باعث، اوزینی آسگن ایدی.
افغانستانده اسلامی امارت حاکم بولگنیدن سونگ، خبرچیلرگه قرشی کوپینچه زوروانلیک واقعه قید ایتیلگنی میدیا و خبرچیلردن حمایت قیلوچی نهادلرنی خواطرلنتیرگن.