افغانستان خبرچی‌لری نینگ سقلش کمیته باشلیغی نجیب شریفی، مطبوعات ایرکین‌لیگی نینگ خلق‌ارا کونیدن نشانلش مراسم‌ده، خبرچیلرگه قرشی زوروانلیک قضیه‌لری تیکشیریلیشی خصوصیده حکومت نینگ اجراآتی دن تنقیب قیلیب و ایتیشیچه، بو توغریده ییترلیچه توجه بولمه‌گن.
جناب شریفی گه کوره، اوتگن ۶ آیده کمیده ۲۰ مرته امنیتی نهادلر و افغانستان حکومتی دن خبرچیلرنینگ قتل دوسیه‌لرینی شریک قیلیشی نی سوره‌شگنلر، بیراق بو توغریده هیچ توجه قیلینمه‌گن.
بیراق جمهورلیک ریاست ایکینچی اورین‌باسری سرور دانش مذکور مراسم ده اورغولشیچه، حکومت خبرچیلرنینگ خوفسیزلیگی نی تأمین‌لش گه متعهد دیر و خبرچیلرگه قرشی زوروانلیک قضیه‌لردن هیچ بیری تیکشیریلمه‌ی قالمه‌گن.
جناب دانش گه کوره، قویاش ۱۳۸۱- ییل دن بویان خبرچیلرگه قرشی برچه زوروانلیک قضیه‌لر تیکشیریلگن. اونینگ کوپه‌یتیریشیچه، حکومت و رسانه‌لرنینگ قوشمه کمیته‌سی خبرچیلرگه قرشی ۵۷۵ زوروانلیک قضیه نی تیکشیرگن.
باشقه بیر تاماندن معلومات و مدنیت وزیرلیگی سرپرستی طاهر زهیر، بو توغریده حکومت نینگ کم‌چیلیک‌لرینی تن آلیب و ایتیشیچه، حکومت هیچ قچان بی فرق یاندشمه‌گن.
بونده‌ی بیاناتلر ارایه ایتیلگن بیرحالده، حکومت و طالبان گروهی آره‌سیده سوزلشوولر باشلنگنیدن بویان خبرچیلرگه قرشی زوروانلیکلر کوپه‌یگن. ترقه‌تیلگن آمارلر اساسیده، سونگی ۶ آیده ۹ خبرچی و رسانه ایشلاوچیسی اولدیریلگن.
بو پیتده ۶۹۶ ایرکک و ۳۰۰ عیال شامل ۹۹۶ خبرچی و رسانه ایشلاوچیسی وظیفه‌لرینی ترک قیلیب و باشقه ۴۳ ته‌سی ایسه مملکتدن تشقی مهاجر بولگن.
