پروان حاکمی فضل‌الدین عیار، سلام‌وطندار تامانیدن پروان مرکزی چاریکار شهری نینگ فرعی جاده‌لریده تاش فرش قیلیش پروژه‌سی تکمیل بولمسدن آچیلیشی و اوشبو ولایت بوییچه قیزیل آی ریاستی نینگ حادثه‌لر بولیمی مدیری نینگ جناب عیار تامانیدن کلتک‌لنیش گزارشی نشر ایتیلگنیگه قرشی واکنش کورستگن.
پروان حاکمی نینگ مطبوعات ملی کونیدن نشانلش خصوصیده یولگه قوییلگن ییغینده ایتیشیچه، خبرچی‌لرنینگ ایش‌لریگه بیرقطار خطالر بار و خبرچی‌لرگه قرشی برخورد قیلیش اوچون قانون‌نی حقلری بار؛ لیکن اولرگه قرشی صبرلی شکلده حرکت قیله‌دیلر. پروان حاکمی نینگ ایتیشیچه، خبرچی‌لرنی تیکشیریش اوچون اونلرچه حجت موجود، لیکن بو ایش‌نی قیلمه‌یدیلر.
پروان حاکمی نینگ بو صحبت‌لری خبرچی‌لردن حمایت قیلیووچی نهادلرنینگ واکنش‌لری بیلن روپه‌ره بولگن.
پروان ولایتی بوییچه ایرکین ژورنالیست‌لر اویوشمه‌سی مسوول‌لریدن بیری پرویز امین‌زاده نینگ مذکور ییغینده ایتیشیچه، اوشبو ولایتده فعالیت قیله‌دیگن خبرچیلر بوتون قانون‌لر و خبرچی‌لیک اصولی اساسیگه فعالیت قیله‌دیلر.
جناب امین‌زاده، پروان حاکمی دن باج آله‌دیگن خبرچیلر کیم‌لیک‌لرینی فاش قیلیشی‌نی سوره‌ب یا-ده فاش قیلمه‌گن صورتده، رسمی ییغین‌لرده خبرچی‌لرگه قرشی ناتوغری بیاناتلردن قول تارتیشینی ایسته‌گن.
