۲۷-حوت خبرچیلر کونی نینگ ییتیب کیلیشی بیلن، افغانستان رسانه‌لر و ژورنالیست‌لر نهادلری نینگ فدراسیونی، ۱۴۰۰-ییل‌ده رسانه‌لر فعالیتی نینگ قنده‌یلیگی خصوصیده نظر سوره‌شی نی ترقه‌تگن دیر.
مذکور نظر سورهشده، خبرچیلر و ایشلاوچیلردن ۹۰ فایزی نینگ ایتیش‌لریچه، اسلامی امارت نینگ حاکمیتی‌دن کیین، ییتکیرمه نشراتی سانسور آستیده قرار تاپگن، بو آره‌ده ۴۴ فایز عمومی شکلده و ۴۶ فایز ایسه قسمی شکلده رسانه‌لر برنامه‌لری نی سانسور آستیده قالگنی نی معرفی قیلگنلر.
بیزلرنینگ فیسبوک صحیفه‌میزگه باش اورینگ!
شونینگدیک خبرچیلر و رسانه‌یی ایشلاوچیلردن ۵۹ فایزی نینگ ایتیش‌لریچه، سانسورلیک رسانه‌لردن قطاری نینگ باغلنیشی گه سبب بولگن دیر. افغانستان رسانه‌یی نهادلر و ژورنالیست‌لر فدراسیون اعضاسی علی اصغر اکبرزاده، مذکور نظر سوره‌ش نینگ ارایه قیلیش پیتده ایتیشیچه، ۳۴ ولایت‌ده خبرچیلر شامل ۲ مینگ رسانه‌یی ایشلاوچیلر بیلن مصاحبه بولگن.
اکبرزاده گه کوره، اولر نینگ عمومی نتایجی، سابق حکومت نینگ سقوط قیلگنی بیلن، رسانه‌لردن ۷۱ فایزی نینگ استقلالیت‌لری نی قولدن بیرگن ینی کورسته‌دی. اونینگ کوپه‌یتیریشیچه، یره‌تیلگن چیکلاو‌لر و سانسور عمل‌لری ۸۲ فایز تولیدی برنامه‌لر اوستیگه سلبی تاثیر قویگن دیر.
سید‌علی اصغر اکبرزاده نینگ ایتیشیچه: «اوشبو نظر سورهشده ۴۶ فایزی نشردن آلدین سانسور بولیشینی ایتگن‌لر. ۴۴ فایزی بوتونلی سانسور بولیشینی بیلدیریشگن. ۷ فایزی سانسور یوق لیگینی اورغوله‌گن، ۳ فایزی ایسه هیچ قنده‌ی سانسور یوقلیگینی ایتگن.»
باشقه بیر تاماندن، افغانستان رسانه‌یی نهادلر و ژورنالیست‌لر فدراسیونی نینگ تیرکشیریش نتیجه‌سی نینگ کورستیشیچه، سابق‌ده فعال بولگن ۶۲۳ رسانه‌دن، ۳۱۸ رسانه غیر فعال بولگن. مذکور تیکشیریش اساسیده، اوشبو رسانه‌لر فعالیتی نینگ توخته‌گنی، سابق‌ده ۴ مینگ و ۹۰ رسانه‌یی فعال ایشلاوچیلریدن، کمیده ۲ مینگ و ۷۳۵ خبرچی و رسانه‌یی ایشلاوچیلری نینگ ایش‌سیز بولیشلری گه سبب بولگن.
بیزلرنینگ توییترده هم تعقیب قیلینگ!
اوشبو فدراسیون اعضاسی خالده تحسین رسانه‌یی ایشلاوچیلر اینیقسه عیال‌لر نینگ کمه‌یگنیدن خواطر بیلدیریب و ایتیشیچه، عیال ایشلاوچیلر ایش، مالی و جانی مصئونیت یوقلیگی بیلن روپه‌رو بولگنلر. اونگه کوره، حاضرگی وضعیت عیال‌لر نینگ رسانه‌لرده کمه‌یشی گه سبب بولگن.
بانو تحسین نینگ ایتیشیچه: «بوتون نهادلر نینگ سعی و حرکت قیلیب و اوشبو مملکت خبرچیلری گه فکر قیلیشلری کیره‌ک. رسانه‌لر نینگ کوچلنتیریش اوچون ایش مصئونیتی گه فکر قیلیشلری کیره‌ک.»
ژورنالیست‌لر نهادلری نینگ فدراسیونی و افغانستان رسانه‌‌لری نینگ ایتیش‌لریچه، قویاش ۱۴۰۰-ییل‌ده خبرچیلر گه قرشی ۸۰ قضیه روی‌خط گه آلینگن و زوروانلیک‌دن کوپ آماری ایسه کابل گه تیگیشلی دیر.
