بیر قطار میدیالر نینگ معلوماتی اساسیده، کاپیسا ده «پژواک» آژانسی محلی خبرچیسی عبدالحنان محمدی، اسلامی امارت استخبارات قماقخانهسیده هر کون «کلتکلنه» دی. جناب محمدی قریب اوچ آی آلدین کاپیسا ولایتی حصه اول کوهستان تومنیده قولگه آلینگن ایدی.
سلاموطندار بیلن صحبت اوتکزگن اسلامی امارت سوزلاوچیسی نینگ اورین باسرلریدن بلال کریمی نینگ ایتیشیچه، اسلامی امارت سرپرست حکومتی ژورنالیستلر و میدیالردن حمایت قیلهدی و حاضر اسلامی امارت قماقخانهلریده هیچ بیر خبرچی یوق، خبرچی آتیده کیمسه زندانی ایمس دیر.
بیزلرنینگ فیسبوک صحیفهمیزگه باش اورینگ!
باشقه تاماندن، عبدالحنان محمدی قرینداشلری نینگ ایتیشلریچه، جناب محمدی قریب اوچ آی دن بویان اسلامی امارت قماقخانهسیده دیر. عبدالحنان محمدی نینگ ایناغهسی اسحاق محمدی نینگ سلاموطندار گه ایتیشیچه، اوشبو ییل جوزا آی دن بویان، ایناغهسی اسلامی امارت قماقخانهسیده دیر و هلیگچه قوییب یوباریلمهگن. او ایناغهسی تیزلیک بیلن قوییب یوباریلیشینی طلب قیلهدی.
عینحالده، افغانستان ایرکین میدیالریدن حمایت قیلووچی نهاد یا نی مسئولی ظریف کریمی نینگ سلاموطندار گه ایتیشیچه، عبدالحنان محمدی حاضرگچه اسلامی امارت قماقخانهسیده دیر و قوییب یوباریلمهگن.
بیزلرنینگ توییترده هم تعقیب قیلینگ!
جناب کریمی نینگ کوپهیتیریشیچه، اوتگن بیر ییل ده اوشبو نهاد ده خبرچیلر گه قرشی ۸۹ زوروانلیک رویخط گه آلینگن. جناب کریمی اسلامی امارت کوچلری تامانیدن قولگه آلیش، کلتکلش، تهدید و ناقانونی یاندهشوونی، خبرچیلرگه قرشی زوروانلیک عامللریدن عنوان قیلگن.
شو بیلن بیرگه، افغانستان ایرکین میدیالریدن حمایت قیلووچی نهاد مسئولی اسلامی امارت رسمیلریدن، عبدالحنان محمدی نی تیزلیک بیلن قوییب یوباریشینی سورهیدی.