افغانستان ده ایرکین سوز و ییتکیرمه، سونگی ۲۰ ییل نینگ مهم یوتوق‌لریدن سنلر ایدی، بیراق مملکت بویلب اوزگریش‌لر میدیالر اوستیگه سلبی تاثیر قیلگن.
افغانستان ایرکین ژورنالیست‌لر اتفاقی باشلیغی حجت‌الله مجددی نینگ سلام‌وطندار گه ایتیشیچه، اوتگن بیر ییل ده اولکه بویلب فعال ۵۴۴ میدیا دن ۲۱۹ ته‌سی نینگ فعالیتی توخته‌گن. اونگه کوره، افغانستان ده ۱۲ مینگ میدیا ایشلاوچیسی دن ۷ مینگی، سونگی سیاسی اوزگریش دن کیین اوز وظیفه‌لرینی قولدن بیریشگن.
جناب مجددی نینگ کوپه‌یتیریشیچه، وظیفه‌لرینی قولدن بیرگن ۷ مینگ ایشلاوچی دن ۲ مینگ ۱۰۰ ته‌سینی عیاللر تشکیل بیره‌دی. شونینگ حجت‌الله مجددی اوتگن بیر ییل ده خبرچی‌لر گه قرشی ۱۲۵ زوروانلیک رویخط گه آلینگن که اکثریتینی ناقانونی قولگه آلیش تشکیل بیره‌دی.
بیزلرنینگ فیسبوک صحیفه‌میزگه باش اورینگ!
برچه‌سی بیلن، افغانستان خبرچی‌لر فدراسیونی نینگ عضوی سیدعلی اصغر اکبرزاده، اولکه ده میدیالر احوالینی خواطرلی دیب و اونی میدیا قانون_قاعده‌لری گه قرشی بیله‌دی. اکبرزاده نینگ ایتیشیچه، اسلامی امارت اطلاعات گه قول تاپیش حقی کمیسیون‌لری و میدیالر تخطیسی کمیسیونی ایجاد ایتیلیشیدن ایشانچ بیلدیرگن ایدی، بیراق حاضرگه قدر عملی قیلمه‌گن. جناب اکبر زاده نینگ ایشانچی گه کوره، میدیالر کونسه‌یین ایریم قیینچیلیک بیلن روپه‌ره بولماقده‌لر.
باشقه تاماندن، افغانستان ایرکین میدیالریدن حمایت قیلووچی نهاد یا نی مسئولی ظریف کریمی نینگ ایتیشیچه، افغانستان ده فعالیتی توخته‌گن میدیالر سانی گه قره‌گنده، افغانستان تاریخی ده مثل‌سیز دیر.
جناب کریمی گه کوره، افغانستان ده سونگی سیاسی اوزگریش دن کیین، میدیالر نینگ محتوالری بوتونلی اوزگردی و اولر نینگ نشراتی اسلامی امارت نینگ پالیسی گه بناً ینگی‌لیک، اجتماعی و دینی دستورلر گه محدود بولگن. افغانستان ایرکین میدیالریدن حمایت قیلووچی نهاد یا نی مسئولی نینگ ایتیشیچه، اسلامی امارت افغانستان میدیالریدن حمایت ایتمه‌گن تقدیرده، اوشبو مملکتده میدیالر سقوط قیلیشی ممکن.
عین‌حالده، مملکتده خبرچی‌لردن قطاری نینگ سلام‌وطندار گه ایتیشلریچه، افغانستان ده سونگی سیاسی اوزگریش دن، میدیالر و خبرچی‌لر ایشلری گه چیکلاو یره‌تیلگن. اونگه کوره، اوتگن ۲۰ ده افغانستان بویلب میدیالر اینگ آغیر قیینچیلیکنی باشدن کیچیرماقده. خبرچی‌لر نینگ ایشانچی گه کوره، معلومات گه قول تاپه آلمسلیک، جانی و وظیفه‌وی مصئونیت، سانسور و خودسانسورلیک، اوتگن بیر ییل ده افغانستان ده خبرچی‌لر نینگ اساسی قیینچیلیکلریدن سنله‌دی.
بیزلرنینگ توییترده هم تعقیب قیلینگ!
ایتیش کیره‌ک که، بوندن آلدین چیگره بیلمس گزارش‌لر، بیر گزارش ترقه‌تیب افغانستان ده ۴۰ فایز میدیالر نینگ فعالیتی توخته‌ب و ۶۰ فایز خبرچی‌لر وظیفه‌لرینی قولدن بیرگنینی ایتگن ایدی. مذکور تشکیلات گه کوره، ۷۶ فایز خبرچی عیاللر اوز وظیفه‌لرینی قولدن بیریشگن. چیگره بیلمس گزارش‌لر تشکیلاتی نینگ گزارشی گه بناْ، افغانستان نینگ ۱۱ ولایتیده هیچ بیر عیال خبرچی یوق و شونینگدیک میدیالر نینگ ۸۵ فایز عیال ایشلاوچیلری کابل ده فعالیت قیلیشه‌دی.
اوشبو تشکیلات نینگ معلوماتی اساسیده، اولکه بویلب میدیالر نینگ احوالی باعث، اوتگن ییل ده افغانستان میدیالری نینگ اورنی آزادلیک نقطه‌ی نظر دن ۱۲۲ دن ۱۵۶ گه سقوط قیلگن.
