آلتینچی صنف دن یوقاری قیزلر مکتب‌لری نینگ یاپیق قالیشی کتته قیینچیلیککه اوزگریشیدن سونگ، افغانستان اوچون بیرلشگن ملت‌لر تشکیلاتی بشر حقوقی مخصوص گزارش‌گری ریچارد بنت، دنمارک پایتختی کوپنهاگ شهری ده افغانستان نینگ قطار سیاستچیلری، فرهنگی و اجتماعی شخصیت‌لری بیلن ملاقاتیده ایتیشیچه، اسلامی امارت رسمی‌لری نیچه بولینگنلر شونی اوچون، قیزلر مکتب‌لری نینگ آچیلیشی خصوصیده بیر نظر گه ایمس‌لر.
او پکتیا ده، اسلامی امارت قطار رسمی‌لری نینگ بویروغی بیلن قیزلر مکتب‌لری قیسقه مدت آچیلیشی گه اشاره قیلیب، بونده‌ی سوزلرنی ایتگن.
شو بیلن بیرگه، سیاسی ایش بیلرمان‌لر نینگ ایشانچی گه کوره، اسلامی امارت رسمی‌لری نینگ بیر نظرده بولمسلیگی، افغانستان خلقی اوچون یامان عاقبتی بولیشی ممکن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان‌لر، افغانستان نینگ حاضرگی وضعیتینی اهالی ضرری گه بیله‌دیلر.
اسلامی امارت جناب بنت نینگ بیاناتی گه دایر سلام‌وطندار نینگ سوراق‌لری گه فکر_ملاحظه بیلدیرمه‌گن، بیراق سیاسی ایش بیلرمان و اسلامی امارت گه یقین مولوی ذکرالله هاشمی نینگ ایتیشیچه، دنیا بویلب مملکت‌لر اسلامی امارت اوستیگه باسیم کیلتیریش مقصدیده بونده‌ی بیانات بیره‌دیلر.
اونینگ ایشانچی گه کوره، اسلامی امارت رسمی‌لری آره‌سیده قرشی‌لیک یوق و جزئی فکرلر، هر جای ده موجود و خواطرلی ایمس دیر.
ایتیش کیره‌ک که، افغانستان اوچون امریکا نینگ مخصوص نماینده‌سی توماس وست، اوتگن هفته واشنگتن ده امریکا نینگ راه‌بردی مطالعه‌لر مرکزی ده ایتیشیچه، دوحه ده صلح مذاکره‌لری جریانیده اسلامی امارت رسمی‌لری ایکی گروه گه بولینگن ایدیلر که بیر گروه دوحه ده اولر بیلن مذاکره قیلر ایدی؛ بیراق ایکینچی گروه پاکستان نینگ کویته شهری ده قرار آلر ایدی.
بیزلرنینگ توییترده هم تعقیب قیلینگ!
اوشبو سوزلر عین‌حالده بیان بولماقده که، افغانستان بویلب اسلامی امارت حاکم بولیشی بیلن آلتینچی صنف دن یوقاری قیزلر مکتب‌لری یاپیق قالیب و اسلامی امارت رسمی‌لری اورته‌سیده قرشی‌لیک تاپیلیشی گه سبب بولگن.
اسلامی امارت تشقی ایشلر وزیرلیگی نینگ سیاسی معینی شیرمحمد عباس استانکزی، اوتگن هفته کابل ده اوتکزیلگن ییغینده ایتیشیچه، قیزلر مکتب‌لری آچیلیشی کیره‌ک؛ چونکه تعلیم عیال و ایرکک که فرض دیر، بیراق امر معروف و نهی منکر وزیرلیگی نینگ سرپرستی جناب استانکزی نینگ بیاناتی گه مناسبت بیلدیریب، دنیایی تعلیم مباح دیر و وقت‌نی او بیلن اوتکزمسلیک کیره‌ک دیگن ایدی.
