پنجشیر ده اوروش اسیرلری اولدیریلیشینی تیکشیریش گه عاید اسلامی امارت نینگ وعدهلری بیلن، افغانستان ده بیرلشگن ملتلر تشکیلاتی نینگ انسان حقلری گزارشگری ریچارد بنت گه کوره، اسلامی امارت اوز کوچلری نینگ قیلگن ایشلری گه جوابگر دیر.
جناب بنت اوتگن کیچه (یکشنبه، ۲۷ سنبله) اوز توییتری ده، پنجشیرده اوروش اسیرلری اولدیریلیشی خلقارا معیارلر و شفاف طرزده تیکشیریلیشینی یازگن.
بیزلرنینگ فیسبوک صحیفهمیزگه باش اورینگ!
سونگی کونلرده اجتماعی ترماقلرده ترقهلگن ویدیولر گه بناً، اسلامی امارت کوچلری پنجشیر ده اسیر آلینگن کیشیلرنی اوققه توتیب اولدیرهدیلر.
اولکه یشاوچیلری و اجتماعی ترماقلر ایشلاوچیلری، اوشبو ویدیولرنی اسلامی امارت کوچلری و ملی مقاومت جبههسی آرهسیدهگی سونگی اوروش لرگه نسبت بیریب ایتیشلریچه، اوققه توتیلیب اولدیریلهدیگنلر، سونگی کونلرده پنجشیرده اسلامی امارت تامانیدن اسیر آلینگن مقاومت جبههسی کوچلری دیر.
بیزلرنینگ توییترده هم تعقیب قیلینگ!
اسلامی امارت مدافعه وزیرلیگی، اوتگن شنبه_ ۲۶ سنبله، پنجشیرده اوروش اسیرلری گه دایر ترقهلگن ویدیولر بارهسیده تیکشیریشلر باشلنگن و مذکور ویدیولر، سونگی کونلرده پنجشیر اوروشیدن بولگنلیگی اثباتلنگن تقدیرده، عامللرینی قولگه آلیب و قانون_قاعده اساسیده جزالنتیریلیشینی ایتگن.