بیرلشگن ملتلر تشکیلاتی نینگ افغانستان بوییچه خاص خبرچیسی ریچارد بنت، استانبول‌ده افغانستان بشرحقوقی فعاللری، مدنی جماعه‌چیلیک اعضالری، سابق ملت وکیلری، سیاستچیلر و سابق حکومت مقاملری بیلن اوچره‌شگنیدن خبر بیرگن.
جناب بنت اوز توییتر صحیفه‌سیده یازیشیچه، مذکور اوچره‌شوولر غیر رسمی، بیراق اونملی ایکن. بیرلشگن ملتلر تشکیلاتی نینگ خاص خبرچیسی بو توغریده آرتیقچه معلومات ارایه قیلمه‌گن.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی خاص خبرچیسی نینگ ۱۱ کونلیک سفری اوتگن هفته افغانستانده یکونلندی او سفری جریانیده افغانستان نینگ بیرقطار ولایت‌لریدن کوریب چیقگن ایدی او افغانستانده بشر حقوقی وضعیتینی خواطرلی عنوان قیلگن.
عین‌حالده، آمریکا قوشمه ایالاتی نینگ افغانستان بوییچه خاص وکیلی اوتگن کون استانبول شهریده افغانستان سابق حکومت مقاملری، خبرچیلر، بانکدارلر، بشرحقوقی فعاللری و سابق ملت کیللری بیلن اوچره‌شگنیدن خبر بیرگن ایدی.
جناب وِست توییتر صحیفه‌سیده مذکور اوچره‌شوودن هدف افغانستان حاضرگی وضعیتی خصوصیده مدنی فعالر و سیاستچیلری نینگ فکرلرینی اورگنیش عنوان قیلگن.
بیزلرنینگ توییترده هم تعقیب قیلینگ!
جناب وِست نینگ کوپه‌یتیریشیچه، او افغانستان سیاسی چهره‌لری بیلن اوچرشگن، اولر زوراوانلیک‌نی افغانستان یشاوچیلری اوچون یخشی یول ایمس دیگنلر و افغانستان بحرانیگه نقطه قوییش اوچون سیاسی پروسه‌نی ترجیح بیرگنلر و اونگه اشتیاقمند دیرلر، بیراق او افغانستانده شونده‌ی بیر پروسه دوام ایتمه‌یاتگنلیگیدن خواطر بیلدیرگن.
