افغانستان اوچون بیرلشگن ملتلر تشکیلاتی نینگ انسان حقوقی خاص گزارشگری ریچارد بنت، ینه بیر مرته پاکستان دن افغانستانلیک قاچقینلرینی جبردن چیقریش قرارینی بیکار قیلیب، ینه بیر بحران گه توسیق بولیشی نی ایستهگن.
او سهشنبه کیچه، ۹-عقرب، اوز «ایکس» صحیفهسیده یازیشیچه: «مین ینه بیر مرته پاکستان گه ایستهگیم نی تکرار قیلهمن که، افغانستانلیک قاچیقینلرینی چیقریش قرارینی بیکار قیلیب، افغانستانلیکلر اوچون ینه بیر بحران گه توسیق بولسین. مین افغانستانلیکلر حقوقیدن حمایت قیلیش اوچون هر قندهی یول جملهدن پاکستان رسمیلری بیلن دوام بیرهمن.»
بیزلرنینگ فیسبوک صحیفهمیزگه باش اورینگ!
پاکستان دن ناقانونی قاچقینلر جملهدن افغانستانلیک یشاوچیلری نینگ چیقریلیش پروسهسی، ایرته (پنجشنبه، ۱۱-عقرب) باشلنیشی ممکن. پاکستان حکومتی ناقانونی قاچقینلر گه اوشبو مملکت نینگ ترک قیلیشلری اوچون ۳۱-اکتبرگچه وقت تعیین قیلگن ایدی.
پاکستان دن افغانستانلیک قاچقینلر نینگ چیقریلیش قراری، شونینگدیک بیر قطار عکسالعمللر بیلن روپهره بولگن. سونگی بیر موردده، خلقارا کیچیریم تشکیلاتی پاکستان دن افغانستانلیک قاچقینلر نینگ چیقریلیشی خصوصیده، بو قرار نینگ تیزلیککه بیکار قیلینیشی و خلقارا جمعیت بو مملکت گه قاچقینلردن میزبانلیک قیلیشی اوچون مالی حمایت قیلیشی نی اَیتگن ایدی.