افغانستان انسانی حقوق وضعیتی اوچون بیرلشگن ملت‌لر تشکیلاتی نینگ خاص گزارشگری ریچارد بنت، اوتگن کون کابل ده هندولر عبادتخانهسی گه اویوشتیریلگن هجوم نی قاره‌لگن. او ایتگن که، هر کیم تینچ‌لیک‌ده حیات کیچیریب و عبادت قیلیش اوچون حقی بار.
بیرلشگن ملت‌لر تشکیلاتی نینگ خاص گزارشگری توییتر صحیفه‌سیده یازگن که، افغانستان ده مذهبی آزچیلیکلر خصوصیده سیستماتیک هجوملر نینگ توخته‌تیلیشی، تیکشیریش، تدقیقات و مستندسازلیک اقدام‌لر گه تیگیشلی دیر.
افغانستان نماینده‌لیگی ژنو ده هم بیر اعلامیه ترقه‌تیش بیلن، تیزلیککه تینچ اهالی‌لر گه هجوملر نینگ توخته‌تیلیشی و افغانستان ده مذهبی آزچیلیک و قومی حقلردن حفاظت قیلینیشی نی ایسته‌گن.
بیزلرنینگ فیسبوک صحیفه‌میزگه باش اورینگ!
اوشبو اعلامیه‌ده خلق‌ارا جماعه و باشقه انسانی حقوق نهادلریدن، اوتگن کون یوز بیرگن هجوم و افغانستان ده مکتب‌لر و مسجد‌لر گه اویویشتیریله‌دیگن باشقه هجوملر خصوصیده تحقیق قیلیب و شونده‌ی هجوم‌لردن توسیق بولیش اوچون هماهنگ اقدام‌لر نینگ قولگه آلیش‌لری سوره‌لگن.
اوتگن کونی (شنبه، ۲۸جوزا) ایرتنگ چاغی ساعت ۶:۳۰ اطرافیده، کابل شهری نینگ کارته پروان منطقه‌سی نیچه پارتلش گه شاهد ایدی. مذکور پارتلش‌لر اوشبو منطقه‌ده هندولر نینگ عبادتخانهسی نی نشان گه آلگن ایدی.
باختر اعلامیه‌سی اساسیده، اوشبو هجوم جریانیده هندو‌لردن بیر کیشی هلاک و باشقه ۷ کیشی ایسه یره‌لنگن. باختر نینگ کوپه‌یتیریشیچه، تازه‌لش جریانیده اسلامی امارت کوچلریدن ایسه بیر کیشی هلاک بولگن. داعش گروهی اوشبو هجوم مسئولیتی نی بوینیگه آلگن.
کابل ده هندولر عبادتخانهسی گه اویوشتیریلگن هجوملر کینگ خلق‌ارا و ملی عکس‌العمل‌لر بیلن روپه‌ره بولگن. افغانستان ده بیرلشگن ملت‌لر تشکیلاتی نینگ اورین‌باسرلیک هیأت دفتری یا-ده یوناما، مذکور هجوملر نینگ قاره‌لب و تیزلیکده تینچ اهالی‌لر گه اویوشتیریله‌دیگن هجوملر نینگ توخته‌تیلیشی نی ایسته‌گن.
بیزلرنینگ توییترده هم تعقیب قیلینگ!
یوناما توییتر صحیفه‌سیده تاکید قیلگن که، افغانستان ده بوتون آزچلیک‌لر اینیقسه سیک‌لر، هزاره‌لر و صوفی‌لردن حفاظت بولیشی کیره‌ک.
شونینگدیک افغانستان بوییچه اروپا بیرلشمه‌سی نینگ خاص نماینده‌سی توماس نیکلسون ایتگن که، اقلیت‌لر گه اویوشتیرله‌دیگن هجوملر توخته‌ب و اولردن حفاظت قیلینیشی کیره‌ک. او بوتون مذهبی و قومی (آزچیلیک و کوپچیلیک) گروه‌لر حقوقی‌دن حمایت قیلینیشی خصوصیده تاکید قیلگن.
پاکستان و هند تشقی ایشلر وزیرلیک‌لری، سابق دولت نماینده‌لر مجلسی‌ده هندو و سیک جماعه نماینده‌سی و شونینگدیک افغانستان سیاسی سیمالریدن قطاری اوشبو هجوم گه قرشی عکس‌العمل کورستگنلر.
