پاکستان ایچکی ایشلر وزیری، یک‌شنبه کونی، ۷-عقرب، پاکستان ده‌گی مدرک‌سیز برچه مهاجرلر نیچه باسقیچ ده چیقریلیشینی معلوم قیلگن.
پاکستان ایچکی ایشلر وزیری سرفراز بوگتی گه کوره، بیرینچی باسقیچ ده قانونی مدرک‌لری بولمه‌گن مهاجرلر و ایکینچی باسقیچ ده ایسه، بیرلشگن ملت‌لر تشکیلاتی نینگ مهاجرلر ایشلری بوییچه عالی کمیساری ده ثبت نام قیلگن مهاجرلر و پاکستان دولتی تامانیدن ثبت نام قیلیش گواهی کارتی بیریلگن کیشی‌لر چیقریله‌دی.
بیزلرنینگ فیسبوک صحیفه‌میزگه باش اورینگ!
نیچه کون آلدین قطار ییتکیرمه‌لر، پاکستان ایچکی ایشلر وزیرلیگی دن نقل قیلیب، پاکستان دولتی (POR) کارتی بولگن‌لر چیقریلمسلیگینی ایتگن ایدیلر.
پاکستان دن مهاجرلر اینیقسه افغانستان‌لیک مهاجرلر چیقریلیش مهلتی یکونی بیلن، سرفراز بوگتی جیونیوز بیلن اوتکزگن صحبتیده، مهاجرلر کیتمه-کیت چیقریلیشینی معلوم قیلگن.
او نینگ ایتیشیچه، اقامت و سفر حجتی بولمه‌گن و ساخته حجت بیلن پاکستان گه کیلگن مهاجرلر، بیرینچی باسقیچ ده چیقریله‌دی.
پاکستان ایچکی ایشلر وزیری گه کوره، بیرینچی نومبر دن پاکستان بویلب پولیس کوچلری مدرک‌سیز مهاجرلرنی قولگه آلیش جریانینی باشله‌یدیلر.
بیزلرنینگ «ایکس» ترماغی ده هم تعقیب قیلینگ!
بوگتی جنابلری، ثبت نام قیلیش گواهی کارتی بولگن‌لر و بیرلشگن ملت‌لر تشکیلاتی ده ثبت‌نام قیلگن مهاجرلر سانینی، اوچ میلیون دن آرتیق اعلام قیلگن.
عین‌حالده، پاکستان دن مهاجرلر نی چیقریش گه دایر اوشبو مملکت دولتی نینگ مهلتی یکونی بیلن، خلق‌ارا کیچیریم تشکیلاتی، پاکستان دن افغانستان‌لیک مهاجرلر نینگ چیقریش، بشر حقلرینی نقض قیلیش دیگن.
