بیرلشگن ملتلر تشکیلاتی ترقتگن گزارشلری آقیمیده افغانستانده عصیانچی گروه‌لر بارلیگی خصوصیده ینگی بیر گزارش ترقه‌تیب ایتیشیچه،افغانستانده هندوستان‌گه قرشی عصانچی گروه‌لر نینگ ۱۱ حربی مرکزی بار.
گزارش‌ده کیلیشیچه، مذکور گروه‌لرنینگ اعضالری اوشبو مرکزلرده تعلیمات کورهدیلر و اسلامی امارت یاردمی بیلن اولرنینگ فعالیتلری کوپه‌یگن.
شونده‌ی بیرحالده، بیلرمانلرنینگ بوتوغریده تورلی فکرلری بار. بیلرمانلردن قطاری نینگ ایتیشلریچه، اوشبو گزارشلر اسلامی امارت نی باسیم آستیده آلیش اوچون آمریکا و متحدلری نینگ بویروغی اساسیده ترقه‌لیشی نینگ احتمالی بار.
اولرنینگ ایتیشلرچه، نشر ایتیلگن گزارشلردن معلوم بولیشیچه دنیا مملکتلری و خصوصاً امریکا نینگ افغانستان برابریده باشقچه لایحه‌سی بار.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان نصرت‌الله حقپال نینگ ایتیشیچه، آمریکا بیرتاماندن افغانستانده انسان‌سیورلیک یاردم ییتکیزه‌دی و باشقه تاماندن بو کبی باسیم‌لردن فایده‌لنه‌دی بو موضوع نینگ یامان و خوفلی عاقبتی بولیشی ممکن.
جناب حقپال نینگ کوپه‌یتیریشیچه، اسلامی امارت بوتوغریده جدی دقت قیلیب و ایچکی مشروعیت‌گه قول تاپیش اوچون، حکومت بیلن اهالی اورته‌سیگه کیلگن فاصله‌نی کوتاریشی کیره‌ک.
عین‌حالده، سیاسی ایش بیلرمانلردن باشقه بیری محمود حیدری نینگ ایتیشیچه، امکانی بار پاکستان دنیا جماعه‌سی نینگ تنقیدلریدن قاچیش اوچون اسلامی امارت‌گه، ترورچی گروه‌لر دن قطاری اوز هدف‌لرینی افغانستانده ایزلش اوچون قبول قیلدیرگن بولسه، اوشبو موضوع نینگ اسلامی امارت و افغانستان یشاوچیلریگه یامان نتیجه‌سی بار.
اونینگ کوپه‌یتیریشیچه، آمریکا و متحدلری اسلامی امارت‌نی القاعده و باشقه عصیانچی گروه‌لردن آرقه‌داشلیک قیلیشلیککه عیبلب بد نام قیله‌دی بو کوپ بیر یامان و خوفلی اوین دیر.
بیزلرنینگ توییترده هم تعقیب قیلینگ!
مذکور فکرلر شونده‌ی بیرحالده، مطرح قیلینه‌دی که اسلامی امارت اوتگن کون بیرلشگن ملتلر تشکیلاتی تامانیدن، افغانستانده عصیانچی گروه‌لر فعالیتی خصوصیده ترقتگن گزارشنی اساس سیز وناتوغری عنوان قیلدی.
و شونینگدیک بیر اعلامیه ترقه‌تیب ایتیشیچه، افغانستانده اسلامی امارت حاکم بولگندن بویان افغانستان توپراغیدن دنیا و منطقه مملکتلریگه قرشی هیچ قنده‌ی زیان ییتیشمه‌گن.
اعلامیه‌ده کیلیشیچه، اسلامی امارت منطقه و دنیا مملکتلری بیلن تعامل قیلیب، ایشانچ فضاسینی اورته‌گه کیلتیریش اوچون سعی و حرکت قیله‌دی.
