ایش و اجتماعی ایشلر وزیرلیگی مسئوللری، بوگون (یکشنبه، ۱۶-ثور)، کابل ده «خلق‌ارا ایشچی کونی» نی نشانلگنلر. اوشبو وزیرلیک مسئوللری نینگ ایتیشلریچه، ایش‌سیزلیک سببلری نی تیکشیریش و افغانستان ده ایش‌سیزلیک قیین‌چیلیکلری نی حل قیلیش اوچون ییچیم یوللرنی تاپیش مقصدیده، جاری آی جریانیده مملکتده «ملی ایش کنفرانسی» نی یولگه قویه‌دیلر.
ایش و اجتماعی ایشلر وزیرلیگی اورین‌باسری محمدزاهدجان آغا نینگ ایتیشیچه، افغانستان ده ایش مصونیتی نی تضمین‌لش مقصد، مذکور وزیرلیک ایش قانونی نی کوریب چیقه‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «مملکتده قیینچیلیکلر نی تانیش و ایش‌سیزلیک میزانی نی کمه‌یتیریش اوچون ییچیم یول اوچون جاری آی‌ده ملی ایش کنفرانسی نی یولگه قویه‌میز و افغانستان ده ایش مصونیتی نی تضمین‌لش اوچون ایش قانونی نی کوریب چیقه‌میز.»
شونده‌ی بیرحالده، اوشبو برنامه‌ده حضوری بولگن افغانستان ده خلق‌ارا ایش تشکیلاتی مسئوللری نینگ ایتیشلریچه، حاضر ایسه مذکور مملکتده ایشچیلر ایش مصونیت‌سیزلیگی بیلن روپه‌ره دیر.
افغانستان خلق‌ارا ایش تشکیلاتی باشلیغی رامین بهزاد نینگ ایتیشیچه: «افغانستان نینگ ایش بازاری حاضرگچه ایش مصونیت‌سیزلیگی بیلن روپه‌ره دیر و ایشچیلر اقلیمی اوزگریشلریدن تاثیرلنیب و شونینگدیک بیزلر ینه بیر مرته افغانستان ده ایشچیلر حقوقی‌دن حمایت قیلیش گه تاکید قیله‌میز.»
باشقه بیرتاماندن، افغانستان ایشچیلر بیرلشمه‌سی مسئوللری ایش مصونیتی یوقلیگی و باشقه بیر قطار مورد‌لرنی مملکتده ایشچیلر برابریده‌گی اساسی قیین‌چیلیک‌لردن عنوان قیلگنلر. اولر نینگ ایتیشلریچه، ییل‌ده اورته شکلده ۴۰۰مینگ کیشی مملکت ایش بازاری گه کیره‌دی و اسلام امیرلیگی یشاوچیلر گه ایش زمینه‌سی یره‌تیشی کیره‌ک.
بیزلرنینگ فیسبوک صحیفه‌میزگه باش اورینگ!
ایشچیلر بیرلشمه‌سی نماینده‌سی نورالدین فاروقی نینگ ایتیشیچه: «ایش مصونیتی یوقلیگی، تقاعد حقوقی یوقلیگی و امتیاز‌سیز ایشچیلر نینگ ایش ساعتی نی کوپه‌یتیریش، مملکتده ایشچیلر نینگ اساسی قیین‌چیلیکلریدن دیر و ییل‌ده اورته شکلده ۴۰۰ مینگ کیشی ایش بازاری گه کیره‌دی و اسلام امیرلیگی یشاوچیلر اوچون ایش زمینه‌سی نی یره‌تیشی کیره‌ک.»
ایتیش کیره‌ک که، بیرینچی می خلق‌ارا ایشچی کونی دیر و بو کون‌ده خلق‌ارا ایشچیلر بیرلشمه‌لریدن کوپ قطاری هر ییلی سرک‌لر گه چیقیب و حقلری توللنیشی و قیین‌چیلیکلری حل بولینیشی نی سوره‌‌یدیلر.
